Skyndihjálp 12 klst

Námskeiðið Skyndihjálp: 12 klukkustundir er ætlað öllum þeim sem vilja læra eða rifja ítarlega upp grunnatriði skyndihjálpar og viðfangsefni hennar.

Þátttakendur munu fá tækifæri til að öðlast þekkingu, hæfni og öryggi til að veita slösuðum eða bráðveikum skyndihjálp ásamt því að ákveða hvort þurfi að virkja viðbragðskeðjuna og fá frekari aðstoð.

Þátttakendur sem sitja námskeiðið fá útgefið eftirfarandi skírteini: Skyndihjálp: 12 klukkustundir og er það gilt í tvö ár frá útgáfudegi. Rauði krossinn mælir með endurmenntun annað hvert ár og til þess að endurnýja skírteini þarf að sitja námskeiðið Skyndihjálp: 4 klukkustundir.

Námskeiðið Skyndihjálp: 12 klukkustundir er metið til eininga í flestum framhaldsskólum, til aukinna ökuréttinda og víðar. Ráðlagt að leita staðfestingar hjá viðkomandi menntastofnun hvort námskeiðið sé tekið gilt.

Frekari upplýsingar

Staðarnámskeið Rauða krossins: 22.200 kr.

Vinnustaðarnámskeið - sjá verðskrá (hlekkur)

Athugið að stéttarfélög bjóða félagsfólki upp á starfsmenntunarstyrki og fyrirtæki sem greiða iðgjald í starfsmenntunarsjóði/setur geta sótt um fræðslustyrki fyrir starfsfólk sitt.

15 þátttakendur

Einn leiðbeinandi

Farið er eftir viðurkenndum gæðaviðmiðum Rauða krossins í hámarksfjölda þátttakenda á leiðbeinanda. Hlutverk og ábyrgð leiðbeinenda gagnvart þátttakendum er að tryggja öryggi, velferð og líðan þeirra á meðan á námskeiðinu stendur yfir.

Öryggi, skoðun og mat
Sálræn fyrstu hjálp
Endurlífgun
Aðskotahlutur í hálsi
Bráð veikindi
Slys og áverkar
Hitakvillar og ofkæling

Til þess að fá útgefið skírteini í Skyndihjálp 4 klst þurfa þátttakendur að sitja allt námskeiðið og sýna fram á virka þátttöku í öllum þáttum námskeiðsins. Kennsluaðferðir námskeiðs eru fyrirlestrar, umræður og spurningar, sýnikennsla, verklegar æfingar og tilfellaæfingar.

Við lok námskeiðs eiga þátttakendur að hafa öðlast þekkingu, hæfni og öryggi í skyndihjálp, en það felst í því að þátttakendur:

Sýni fram á þekkingu og hæfni við að tryggja öryggi á vettvangi, meta aðstæður og framkvæma skoðun og mat.
Geta ákveðið hvenær eigi að virkja viðbragðskeðjuna, með því að hringja í 112, til að fá frekari aðstoð.
Geti borið kennsl á og veitt sálræna fyrstu hjálp vegna áfalla.
Sýni fram á þekkingu, leikni og hæfni í endurlífgun, með hjartahnoði, öndunarblástrum og notkun á hjartastuðtæki.
Sýni fram á leikni og hæfni í teymisvinnu í endurlífgun.
Geti borið kennsl á og veitt viðeigandi skyndihjálp vegna eftirfarandi slysa og áverka:
Sár og skurðir
Lífshættuleg blæðing
Brunasár
Höfuð, háls og hryggáverkar
Stoðkerfisáverkar
Eitranir
Geti borið kennsl á og veitt viðeigandi skyndihjálp vegna eftirfarandi bráðra veikinda:
Öndunarerfiðleikar
Hjartaslag
Heilaslag
Krampi
Sykurfall
Bráðaofnæmi
Geti borið kennsl á og veitt viðeigandi skyndihjálp vegna aðskotahlutar í hálsi.
Geti borið kennsl á og veitt viðeigandi skyndihjálp vegna hitakvilla og ofkælingar.