Námskeiðið er ætlað öllum þeim sem vilja þjálfa sig í grunnatriðum endurlífgunar. Gott námskeið fyrir alla sem hafa lært skyndihjálp áður.

Lengd	2 klukkustundir
Markmið	Að þátttakendur öðlist færni í að beita hjartahnoði og blæstri og kunni að nota hjartarafstuðtæki við endurlífgun.
Viðfangsefni	Grunnendurlífgun og sjálfvirkt hjartastuð; að athuga viðbrögð, að opna öndunarveg, að athuga öndun, hjartahnoð og blástursaðferð, sjálfvirkt hjartastuð (AED), endurlífgunarkeðjan og losun aðskotahlutar úr öndunarvegi.
Fræðsluefni	Bæklingurinn „Getur þú hjálpað þegar á reynir?” eða bókin „Skyndihjálp og endurlífgun. Útgefandi er Rauði krossinn á Íslandi.
Inntökuskilyrði	Þátttakendur séu 14 ára eða eldri. Æskilegt er að þátttakendur kynni sér fræðsluefnið áður en námskeiðið hefst.
Námsmat	Frammistaða er metin samfellt í gegnum allt námskeiðið. Ekki er skylda að ljúka skriflegu eða verklegu prófi.
Viðurkenning	Engin. Mælt er með endurmenntun annað hvert ár.

Efnisatriði

• Að athuga viðbrögð, opna öndunarveg og athuga öndun.
• Hjartahnoð og blástursaðferð(endurlífgun).
• Sjálfvirkt hjartastuð (notkun AED tækja)

Verð:

• 1-15 manns: 108.200 kr.
• Verð fyrir hvern auka þátttakanda – hámark 5 á hverju námskeiði: 8.500 kr

Námskeiðið er fyrir öll þau sem hafa lokið vefnámskeiði í skyndihjálp og hafa þannig öðlast grunnþekkingu á skyndihjálp en vantar verklega færni í að veita einstaklingum aðstoð í bráðatilfellum. Námskeiðið er bæði í boði fyrir fyrirtæki og almenning og er einungis haldið af deildum Rauða krossins.

Lengd	2 klukkustundir
Markmið	Að auka færni þátttakenda í að beita á öruggan hátt einföldum aðferðum í skyndihjálp.
Viðfangsefni	Fjögur skref skyndihjálpar; tryggja öryggi á vettvangi, meta ástand slasaðra eða sjúkra, sækja hjálp og veita skyndihjálp. Grunnendurlífgun og sjálfvirkt hjartastuð; að athuga viðbrögð, að opna öndunarveg, að athuga öndun, hjartahnoð og blástursaðferð, sjálfvirkt hjartastuð (AED) og hliðarlega. Áverkar; Aðskotahlutur í öndunarvegi, áverkar á höfði, beinbrot, blæðing, brunasár, Bráð veikindi; Blóðsykurfall, bráðaofnæmi, brjóstverkur, flog, slag og öndunarerfiðleikar.
Fræðsluefni	Vefnámskeið í skyndihjálp. Skyndihjálparapp. Útgefandi fræðsluefnis er Rauði krossinn.
Inntökuskilyrði	Þátttakendur séu 14 ára eða eldri og hafi lokið 2 tíma vefnámskeiði í skyndihjálp með fullnægjandi árangri. Sýna þarf staðfestingu á að vefnámskeiði sé lokið í upphafi námskeiðs.
Námsmat	Frammistaða er metin samfellt í gegnum allt námskeiðið. Hvorki skriflegt né verklegt próf.
Viðurkenning	Eftir að hafa setið námskeiðið fá þátttakendur skírteini frá Rauða krossinum á Íslandi og velferðarráðuneytinu. Rauði krossinn mælir með endurmenntun annað hvert ár.

Efnisatriði

Fjögur skref skyndihjálpar

• Tryggja öryggi á vettvangi
• Meta ástand slasaðra eða sjúkra
• Sækja hjálp
• Veita skyndihjálp

Grunnendurlífgun og sjálfvirkt hjartastuð

• Að athuga viðbrögð, opna öndunarveg og athuga öndun
• Hjartahnoð og blástursaðferð(endurlífgun)
• Sjálfvirkt hjartastuð (notkun AED tækja)
• Aðskotahlutur í öndunarvegi

Skyndihjálp og áverkar

• Innvortis- og útvortis blæðingar
• Bruni og brunasár,
• Áverkar á höfði, hálsi eða baki

Skyndihjálp og bráð veikindi

• Brjóstverkur
• Bráðaofnæmi
• Heilablóðfall
• Flog
• Sykursýki
• Öndunarerfiðleikar

Verð: 

• 1-15 manns: 127.000 kr. 
• Einstaklingur á staðnámskeiði: 13.200 kr.

Ekki er hægt að hafa fleiri þátttakendur en 15. Þátttakendur þurfa að sýna leiðbeinenda staðfestingu á að hafa lokið vefnámskeiði áður en námskeið hefst. 

Námskeiðið er ætlað öllum þeim sem vilja læra eða rifja upp grunnatriði skyndihjálpar og sálræns stuðnings og öðlast lágmarksfærni í að veita slösuðum eða veikum aðstoð í bráðatilfellum. Stutt og gott námskeið fyrir alla.

Lengd	4 klukkustundir með hléum
Markmið	Að þátttakendur öðlist grunnfærni í að beita skyndihjálp og sálrænum stuðningi í neyðartilvikum.
Viðfangsefni	Kynning; hvað er skyndihjálp? Undirstöðuatriði; streita í neyðartilfellum, tilfinningarleg viðbrögð eftir að hafa veitt skyndihjálp, sálrænn stuðningur og að forðast sýkingar. Fjögur skref skyndihjálpar; tryggja öryggi á vettvangi, meta ástand slasaðra eða sjúkra, sækja hjálp og veita skyndihjálp. Grunnendurlífgun og sjálfvirkt hjartastuð; að athuga viðbrögð, að opna öndunarveg, að athuga öndun, hjartahnoð og blástursaðferð, sjálfvirkt hjartastuð (AED), endurlífgunarkeðjan, hliðarlega og losun aðskotahlutar úr öndunarvegi. Skyndihjálp; stutt umfjöllun um innvortis- og útvortis blæðingar, bruni, höfuðhögg, brjóstverkur (hjartaáfall), bráðaofnæmi og heilablóðfall.
Fræðsluefni	Bókin „Skyndihjálp og endurlífgun” og kennsluglærur. Bæklingurinn „Getur þú hjálpað þegar á reynir?”. Útgefandi fræðsluefnis er Rauði krossinn á Íslandi.
Inntökuskilyrði	Þátttakendur séu 14 ára eða eldri. Æskilegt er að þátttakendur kynni sér fræðsluefnið áður en námskeiðið hefst.
Námsmat	Frammistaða er metin samfellt í gegnum allt námskeiðið. Ekki er skylda að ljúka skriflegu eða verklegu prófi.
Viðurkenning	Eftir að hafa setið námskeiðið fá þátttakendur viðurkenningu frá Rauða krossinum á Íslandi og velferðarráðuneytinu. Mælt er með endurmenntun annað hvert ár.

Efnisatriði

Fjögur skref skyndihjálpar

• Tryggja öryggi á vettvangi
• Meta ástand slasaðra eða sjúkra
• Sækja hjálp
• Veita skyndihjálp

Grunnendurlífgun og sjálfvirkt hjartastuð

• Að athuga viðbrögð, opna öndunarveg og athuga öndun
• Hjartahnoð og blástursaðferð(endurlífgun)
• Sjálfvirkt hjartastuð (notkun AED tækja)
• Aðskotahlutur í öndunarvegi

Skyndihjálp og áverkar

• Innvortis- og útvortis blæðingar
• Bruni og brunasár,
• Áverkar á höfði, hálsi eða baki

Skyndihjálp og bráð veikindi

• Brjóstverkur
• Bráðaofnæmi
• Heilablóðfall
• Flog
• Sykursýki
• Öndunarerfiðleikar

Sálrænn stuðningur

• Streita í neyðartilfellum
• Tilfinningaleg viðbrögð eftir að hafa veitt skyndihjálp
• Sálrænn stuðningur

Verð:

• 1-15 manns: 136.400 kr.
• Verð fyrir hvern auka þátttakanda – hámark 5 á hverju námskeiði: 8.500 kr
• Einstaklingur á staðnámskeiði: 13.200 kr.

Námskeiðið er ætlað öllum þeim sem vilja læra skyndihjálp og endurlífgun og öðlast þekkingu og góða færni í að veita nærstöddum aðstoð í bráðatilfellum. Námskeið fyrir þá sem vilja gefa sér góðan tíma í að læra skyndihjálp s.s. almenning, sjálfboðaliða í skyndihjálparhópum Rauða krossins og nemendur sem fá einingu fyrir að taka skyndihjálparnámskeið.

Lengd	12 klukkustundir
Markmið	Markmið Að auka þekkingu og færni þátttakenda í að beita á öruggan hátt einföldum aðferðum í skyndihjálp. Að auka færni í að meta einkenni algengra sjúkdóma og áverka.
Viðfangsefni	Kynning; hvað er skyndihjálp? Undirstöðuatriði; streita í neyðartilfellum, tilfinningarleg viðbrögð eftir að hafa veitt skyndihjálp, sálrænn stuðningur og að forðast sýkingar. Fjögur skref skyndihjálpar; tryggja öryggi á vettvangi, meta ástand slasaðra eða sjúkra, sækja hjálp og veita skyndihjálp. Grunnendurlífgun og sjálfvirkt hjartastuð; að athuga viðbrögð, að opna öndunarveg, að athuga öndun, hjartahnoð og blástursaðferð, sjálfvirkt hjartastuð (AED), endurlífgunarkeðjan, hliðarlega og losun aðskotahlutar úr öndunarvegi. Skyndihjálp: Áverkar; innvortis- og útvortis blæðingar, sár, brunasár, áverkar á höfði, hálsi eða baki, áverkar á beinum, vöðvum eða liðum, eitranir hitaslag/hitaörmögnun og ofkæling. Bráð veikindi; brjóstverkur (hjartaáfall), bráðaofnæmi, heilablóðfall, flog, sykursýki og öndunarerfiðleikar (astmi). Skyndihjálp framhald; nánari líkamsskoðun, eitrun, blóðnasir, lost, sár og sáraumbúðir, raflost, höfuðáverkar, tannáverkar, skorðun á hrygg, áverkar á brjóstkassa og kvið, vöðvakrampar, sýklasótt, yfirlið og spelkun útlima.
Fræðsluefni	Bókin „Skyndihjálp og endurlífgun” og kennsluglærur.
Inntökuskilyrði	Þátttakendur séu 14 ára eða eldri. Æskilegt er að þátttakendur kynni sér fræðsluefnið áður en námskeiðið hefst.
Námsmat	Frammistaða er metin samfellt í gegnum allt námskeiðið. Ekki er skylda að ljúka skriflegu eða verklegu prófi en þátttakendum stendur það þó til boða í lok námskeiðs.
Viðurkenning	Eftir að hafa setið námskeiðið fá þátttakendur viðurkenningu frá Rauða krossinum á Íslandi og velferðarráðuneytinu. Mælt er með endurmenntun annað hvert ár.

Efnisatriðin eru viðbót fyrir 4 klst. námskeið.

• Eitranir
• Hitaslag / hitaörmögnun og ofkæling
• Lost
• Blóðnasir
• Sár og sáraumbúðir
• Raflost
• Höfðuáverkar  
• Tannáverkar
• Skorðun á hyrgg
• Áverkar á brjóstkassa og kvið
• Vöðvakrampar
• Sýklasótt  
• Yfirlið
• Spelkun útlima  

Verð:

• 1-15 manns: 221.000 kr.
• Einstaklingur á staðnámskeiði: 22.000 kr.

Námskeiðið er einkum gagnlegt foreldrum, dagmæðrum, starfsfólki dagvistarstofnana, leiðbeinendum á leikjanámskeiðum, kennurum og íþróttaþjálfurum. Námskeiðið er bæði í boði fyrir fyrirtæki og almenning og er einungis haldið af deildum Rauða krossins.

Lengd	4 klukkustundir
Markmið	Að þátttakendur öðlist færni í að beita skyndihjálp vegna algengra áverka eða veikinda hjá börnum.
Viðfangsefni	Staðreynir um slys á börnum Fjögur skref skyndihjálpar; tryggja öryggi á vettvangi, meta ástand slasaðra eða sjúkra, sækja hjálp og veita skyndihjálp Endurlífgun; að athuga viðbrögð, að opna öndunarveg, að athuga öndun, hjartahnoð og blástursaðferð, hliðarlega og losun aðskotahlutar úr öndunarvegi Skyndihjálp: Áverkar; s.s. blæðingar, blóðnasir, áverkar á höfði, beinbrot, sár, bruni og eitrun. Veikindi; s.s. heilahimnubólga, ofþornun, hiti, flog/krampar, bráðaofnæmi, sykurfall, öndunarerfiðleikar og hiti. Sálrænn stuðningur við börn.
Fræðsluefni	Bókin „Skyndihjálp og endurlífgun” og kennsluglærur. Útgefandi fræðsluefnis er Rauði krossinn.
Inntökuskilyrði	Þátttakendur séu 16 ára eða eldri.
Námsmat	Frammistaða er metin samfellt í gegnum allt námskeiðið. Hvorki skriflegt né verklegt próf
Viðurkenning	Eftir að hafa setið námskeiðið fá þátttakendur skírteini frá Rauða krossinum á Íslandi og velferðarráðuneytinu. Rauði krossinn mælir með endurmenntun annað hvert ár.

Verð:

• 1-15 manns: 136.400 kr.
• Verð fyrir hvern auka þátttakanda – hámark 5 á hverju námskeiði: 8.500 kr
• Einstaklingur á staðnámskeiði: 13.200 kr.

Námskeiðið Skyndihjálp: Endurmenntun atvinnubílstjóra er ætlað einstaklingum sem starfa sem atvinnubílstjórar og er partur af þriðja hluta í endurmenntun atvinnubílstjóra: Öryggi. 

Námskeiðið er byggt á kennsluefni frá Rauða krossinum og er samkvæmt námskrá Samgöngustofu.

Þátttakendur munu fá  tækifæri til upprifjunar á helstu viðfangsefnum skyndihjálpar með áherslu á verklega færni og tilfellaæfingar. Sú þekking, leikni og hæfni mun síðan geta nýst þátttakendum til í að:

• Fyrirbyggja, bera kennsl á og bregðast við neyðartilfellum.
• Veita faglega aðstoð í neyðartilvikum slysa eða bráðra veikinda þar til viðbragðsaðilar mæta á vettvang og taka við aðstæðum.

Þátttakendur sem standast endurmenntunarnámskeið í skyndihjálp fyrir atvinnubílstjóra fá útgefið eftirfarandi skírteini: Skyndihjálp: Endurmenntun atvinnubílstjóra og er það gilt í tvö ár frá útgáfudegi.

Rauði krossinn mælir með endurmenntun annað hvert ár.

Verð:

Vinnustaðarnámskeið - sjá verðskrá (hlekkur)

Athugið að stéttarfélög bjóða félagsfólki upp á starfsmenntunarstyrki og fyrirtæki sem greiða iðgjald í starfsmenntunarsjóði/- setur geta sótt um fræðslustyrki fyrir starfsfólk sitt. 

Hámarksfjöldi:

15 þátttakendur.

Farið er eftir viðurkenndum gæðaviðmiðum Rauða krossins í fjölda þátttakenda á leiðbeinenda. Hlutverk og ábyrgð leiðbeinenda gagnvart þátttakendum er að tryggja öryggi, velferð og líðan þeirra á meðan á námskeiðinu stendur yfir.

Lengd námskeiðs

6 klukkustundir og 15 mínútur

Samkvæmt námskrá skal námskeiðið vera 7 kennslustundir auk þess sem tekin eru hlé. 

Hver kennslustund er 45 mínútur.

Viðfangefni námskeiðsins

• Rauði krossinn og útbreiðsla skyndihjálpar
• Forvarnir og undirbúningur
• Öryggi og aðstæður
• Vettvangsstjórn og samstarf við viðbragðsaðila
• Skoðun og mat
• Virkja viðbragðskeðjuna
• Kynning á sálrænni fyrstu hjálp
• Aðskotahlutur í hálsi
• Endurlífgun
• Bráð veikindi
• Slys og áverkar

Skilyrði fyrir útgáfu skírteinis

Til þess að fá útgefið skírteini í Skyndihjálp: Endurmenntun atvinnubílstjóra þurfa þátttakendur að sitja allt námskeiðið og sýna fram á virka þátttöku í öllum þáttum námskeiðsins.

Kennsluaðferðir námskeiðs eru fyrirlestrar, umræður og spurningar og sérstök áhersla er á sýnikennsla, verklegar æfingar og tilfellaæfingar.

Námsmarkmið

Við lok námskeiðs eiga þátttakendur að hafa öðlast þekkingu, hæfni og öryggi í skyndihjálp, en það felst í því að þátttakendur:

• Sýni fram á þekkingu og hæfni í forvörnum og undirbúningi sem hluta af umferðaröryggi.
• Sýni fram á þekkingu og hæfni við að tryggja öryggi á vettvangi, meta aðstæður og framkvæma skoðun og mat. 
• Sýni fram á leikni við vettvangstjórnun slysa og í samstarfi við viðbragðsaðila á vettvangi.
• Geta ákveðið hvenær eigi að virkja viðbragðskeðjuna, með því að hringja í 112, til að fá frekari aðstoð.
• Geti borið kennsl á og veitt sálræna fyrstu hjálp vegna áfalla. 
• Sýni fram á þekkingu, leikni og hæfni í endurlífgun, með hjartahnoði, öndunarblástrum og notkun á hjartastuðtæki. 
• Sýni fram á leikni og hæfni í teymisvinnu í endurlífgun.
• Geti borið kennsl á og veitt viðeigandi skyndihjálp vegna slysa og áverka.
• Geti borið kennsl á og veitt viðeigandi skyndihjálp vegna bráðra veikinda.
• Geti borið kennsl á og veitt viðeigandi skyndihjálp vegna aðskotahlutar í hálsi.