Innanlandsstarf
Sjóvá styður Rauða krossinn
28. mars 2022
Margir íbúar Úkraínu hafa flúið heimkynni sín og væntanlega von á fjölda flóttafólks hingað til lands á næstu dögum og vikum.
Sjóvá hefur ákveðið að styðja við bakið á flóttafólki vegna stríðsins í Úkraínu, bæði þeim sem koma hingað til lands og þeim sem eru á flótta víða um Evrópu. Sjóvá leggur neyðarsöfnun Rauða krossins til 50.000 krónur fyrir hvern starfsmann fyrirtækisins, samtals 10 milljónir króna.
Til viðbótar við þennan styrk hélt starfsmannafélag Sjóvá spurningakeppni til styrkar Úkraínuverkefnum Rauða krossins og söfnuðust þar 560.000 kr. frá starfsfólkinu sjálfu. Sú upphæð bætist því við þær 10 milljónir sem fyrirtækið gefur í söfnunina.
„Við erum afskaplega þakklát fyrir þetta mikilvæga framlag Sjóvár. Það er gott að finna fyrir þeim mikla velvilja sem fyrirtæki og almenningur sýna fólki á flótta. Við munum nýta fjármagnið sem safnast til þess að koma fólki til aðstoðar, bæði hér á landi og í og við Úkraínu og hver króna skiptir máli“ segir Kristín S. Hjálmtýsdóttir, framkvæmdastjóri Rauða krossins sem veitti styrknum viðtöku.
Allt fjármagn sem safnast í neyðarsöfnun Rauða krossins verður nýtt til að mæta þörfum þolenda átakanna í Úkraínu og veita neyðarþjónustu eins og að tryggja aðgengi að mat, vatni, heilbrigðisþjónustu, húsaskjóli og að veita sálrænan stuðning.
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.