Innanlandsstarf
Rauði krossinn í Kópavogi hefur störf á ný eftir jólafrí
02. janúar 2019
Rauði krossinn í Kópavogi hefur störf á ný eftir jólafrí og ríkir mikil tilhlökkun fyrir komandi verkefni.
\r\nHér má lesa um helstu verkefni Rauða krossins í Kópavogi.
Rauði krossinn í Kópavogi hefur störf á ný eftir yndislegt jólafrí og ríkir mikil tilhlökkun fyrir komandi verkefni.
Helstu verkefni Rauða krossins í Kópavogi eru:
Heimsóknarvinir – Félagsleg einangrun er algengari en marga grunar. Heimsóknarvinir Rauða krossins heimsækja fólk á einkaheimili, sambýli, dvalarheimili og stofnanir með það markmið að rjúfa félagslega einangrun.
Hundavinir - Hundavinaverkefni Rauða krossins hefur notið mikilla vinsælda þar sem oft geta hundar náð öðruvísi til fólks og veita gleði og ánægju. Fólk á öllum aldri nýtur samvistanna við hundana og að sjálfsögðu eigendur þeirra líka.
Símavinir – Stutt samtal getur skipt sköpum í lífi fólks og allir geta fengið símavin óháð búsetu. Símavinir Rauða krossins hringja í þátttakendur tvisvar í viku og þeir spjalla saman í allt að 30 mínútur.
Föt sem framlag – Sjálfboðaliðar þessa verkefnis prjóna og sauma föt í pakka sem sendir eru til þeirra sem á þurfa að halda.
Æfinging skapar meistarann er verkefni þar sem sjálfboðaliðar og innflytjendur hittast einu sinni í viku og tala saman á íslensku. Markmiðið er að þjálfa talmál og auka orðaforða fólks sem hefur hagnýtt gildi í daglegu lífi.
Brjótum ísinn – bjóðum heim er verkefni þar sem íslenskar fjölskyldur bjóða innflytjendum heim eina kvöldstund í kvöldverð eða spjall. Þetta verkefni er einfalt og skemmtilegt og þar að auki er það góð leið til að eignast nýja vini.
Félagsvinir eftir afplánun er nýjasta verkefni Rauða krossins þar sem unnið er í þágu fanga sem vilja hefja nýtt líf án afbrota. Sjálfboðaliðar aðstoða með hin ýmsu mál þegar afplánun lýkur.
Rauði krossinn í Kópavogi býður reglulega upp á fjölbreytt námskeið í skyndihjálp, bæði fyrir börn og fullorðna. Allar upplýsingar um námskeiðin má finna inn á skyndihjalp.is
Ef þú hefur áhuga á að taka þátt í þessum skemmtilegu verkefnum getur þú haft samband við Rauða krossinn í Kópavogi í síma 570-4060 eða á kopavogur@redcross.is
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.