Innanlandsstarf
Aðalfundur Kópavogsdeildar 2019
15. mars 2019
Aðalfundur Rauða krossins í Kópavogi var haldinn í gær, 14. mars.
Aðalfundur Rauða krossins í Kópavogi var haldinn í gær, 14. mars. Fyrir venjuleg aðalfundarstörf hélt Halldór Gíslason sendifulltrúi fræðsluerindi um netvæðingu í Afríku en hann tekur þátt í the Digital Divide Initiative, sem er tækni- og samskiptaverkefni IFRC, og er Rauði krossinn á Íslandi leiðandi í því samstarfi.
Matthías Matthíasson meðstjórnandi deildarinnar flutti skýrslu stjórnar um síðastliðið ár fyrir hönd David Lynch fomanns deildarinnar sem var fjarverandi. Matthías nefnir að árið 2018 hafi verið tími breytinga og umbóta hjá deildinni. Ársreikningur deildarinnar 2018 var afgreiddur á fundinum og þar kom fram að Kópavogsdeild heldur áfram að vera til fyrirmyndar í að nýta fjármagn deildarinnar til verkefna í samfélaginu.
Ingibjörg Lilja Diðriksdóttir kynnti framboð til stjórnar. í framboði voru Margrét Halldórsdóttir og Guðbjörg Sveinsdóttir sem buðu sig fram sem meðtjórnendur til tveggja ára, Baldur Steinn Helgason og Hörður Bragason buðu sig fram í varastjórn til eins árs og Garðar Guðjónsson bauð sig fram sem skoðunarmaður til eins árs. Öll voru kjörin með lófaklappi og boðin velkomin til starfa. Fráfarandi stjórnarfólk, þau Helga Bára Bragadóttir og Matthías Matthíasson voru kvödd með þökkum fyrir sitt góða og mikla framlag undanfarin ár.
Ársskýrslu Rauða krossins má nálgast útprentaða á skrifstofu deildarinnar í Hamraborg 11 eða á rafrænu formi hér - RKI_Arsskyrsla_2018_LOK-
Fréttir af starfinu
Fréttayfirlit![](/media/mkzctcum/image-5.jpg?anchor=center&mode=crop&width=420&height=279&rnd=133650831076670000)
Héldu tombólu til styrktar Rauða krossinum
Almennar fréttir 10. júlí 2024Fjórir vinir héldu tombólu á Eiðistorgi til að safna fyrir Rauða krossinn.
![](/media/wqtbufcx/20240705_121315.jpg?anchor=center&mode=crop&width=420&height=279&rnd=133649120916170000)
Héldu tombólu til að styrkja Rauða krossinn
Almennar fréttir 08. júlí 2024Vinirnir Haukur Leó Styrmisson og Angelo Snær Klemensson Semey héldu tombólu til að safna fyrir Rauða krossinn á Íslandi.
![](/media/jwfp2zvs/_a1_7065-prent.jpg?anchor=center&mode=crop&width=420&height=279&rnd=133634365763900000)
Tæplega 8.5 milljónir króna söfnuðust á Öll sem eitt tónleikunum
Innanlandsstarf 21. júní 2024Þann 7. maí síðastliðinn fóru samstöðutónleikarnir Öll sem eitt fram í Háskólabíó, en markmið tónleikanna var að sýna samstöðu með þolendum átakanna í Gaza og safna fé til að styrkja hjálparstarf þar. Á tónleikunum kom fram fjöldinn allur af frábæru íslensku tónlistarfólki fyrir framan fullan sal af gestum, en auk þessu gátu áhorfendur heima í stofu fylgst með tónleikunum í beinni útsendingu á Stöð 2.