Alþjóðastarf
Rauði krossinn á Íslandi veitir 10 milljónum króna í Covid-19 aðgerðir í Malaví
19. maí 2020
Í tæpa tvo áratugi hafa Rauði krossinn á Íslandi og Rauði krossinn í Malaví saman staðið fyrir mikilvægri uppbyggingu á fátækum og dreifbýlum svæðum í sunnanverðri Malaví
Í tæpa tvo áratugi hafa Rauði krossinn á Íslandi og Rauði krossinn í Malaví saman staðið fyrir mikilvægri uppbyggingu á fátækum og dreifbýlum svæðum í sunnanverðri Malaví. Kórónuveiran herjar nú á þennan heimshluta þar sem hundruð milljóna eru berskjölduð fyrir afleiðingum hennar. Rauði krossinn hefur nýverið veitt 10 milljónum króna í Covid-19 aðgerðir malavíska systurfélagsins.
Miriam er einn þeirra þúsunda mögnuðu sjálfboðaliða Rauða krossins í Malaví sem leggja sitt af mörkum í að hamla útbreiðslu kórónavírussins. Miriam gengur hús úr húsi og veitir fjölskyldum fræðslu um kórónavírusinn, einkenni sjúkdómsins, hvaða hópar eru berskjaldaðastir fyrir honum og hvernig best megi koma í veg fyrir smit. Miriam segir fólk hafa margar spurningar og að mikils misskilnings gæti um leiðir til að verjast sjúkdómnum. Rauði krossinn safnar saman upplýsingum um flökkusögur og upplýsir stjórnvöld um þær jafnóðum svo bregðast megi við þeim hratt.
Flökkusögur mikið vandamál
Hún hefur meðal annars verið spurð hvort það sé rétt að bjórdrykkja komi í veg fyrir smit hvort og hvort heita veðrið í Chikwawa, þar sem Miriam býr, drepi vírusinn. Margar mæður hafa áhyggjur af því að smita börn sín með brjóstamjólk og sumir telja að malaríalyf komi í veg fyrir smit og jafnvel að fólk á þessum slóðum smitist síður vegna það sé svo vant því að fá malaríu.
„Fólk hefur miklar áhyggjur og margir eru óttaslegnir. Allar spurningar eru vel þegnar“ og Miriam er tilbúin að hlusta og veita réttar upplýsingar.
Fréttir af starfinu
Fréttayfirlit![](/media/mkzctcum/image-5.jpg?anchor=center&mode=crop&width=420&height=279&rnd=133650831076670000)
Héldu tombólu til styrktar Rauða krossinum
Almennar fréttir 10. júlí 2024Fjórir vinir héldu tombólu á Eiðistorgi til að safna fyrir Rauða krossinn.
![](/media/wqtbufcx/20240705_121315.jpg?anchor=center&mode=crop&width=420&height=279&rnd=133649120916170000)
Héldu tombólu til að styrkja Rauða krossinn
Almennar fréttir 08. júlí 2024Vinirnir Haukur Leó Styrmisson og Angelo Snær Klemensson Semey héldu tombólu til að safna fyrir Rauða krossinn á Íslandi.
![](/media/jwfp2zvs/_a1_7065-prent.jpg?anchor=center&mode=crop&width=420&height=279&rnd=133634365763900000)
Tæplega 8.5 milljónir króna söfnuðust á Öll sem eitt tónleikunum
Innanlandsstarf 21. júní 2024Þann 7. maí síðastliðinn fóru samstöðutónleikarnir Öll sem eitt fram í Háskólabíó, en markmið tónleikanna var að sýna samstöðu með þolendum átakanna í Gaza og safna fé til að styrkja hjálparstarf þar. Á tónleikunum kom fram fjöldinn allur af frábæru íslensku tónlistarfólki fyrir framan fullan sal af gestum, en auk þessu gátu áhorfendur heima í stofu fylgst með tónleikunum í beinni útsendingu á Stöð 2.