Alþjóðastarf
Peter Maurer í Moskvu
23. mars 2022
Peter Maurer kom til Moskvu á miðvikudaginn til að halda áfram samræðum við rússnesk yfirvöld um mannúðaraðstoð Alþjóðaráðs Rauða krossins.
Maurer mun ræða um þá aðkallandi aðstoð sem veita þarf fólki sem hefur mátt þola átökin í Úkraínu.
„Eyðileggingin af völdum átakanna undanfarnar vikur, auk átta ára átaka í Donbas, hefur verið gríðarleg. Deiluaðilar þurfa að taka mark á alþjóðlegum mannúðarlögum og valda sem minnstri þjáningu. Ég var í Kænugarði í síðustu viku og er í Moskvu í þessari viku til að halda áfram samræðum við yfirvöld um alþjóðleg mannúðarlög.“
Framhald verður einnig á fyrri samræðum um mannúðarvanda á stöðum eins og Sýrlandi eða í tengslum við afleiðingar Nagorno-Karabakh deilunnar.
Maurer hyggst funda með fulltrúum utanríkis- og varnarmálaráðuneyta. Hann mun einnig funda með formanni rússneska Rauða krossins, en félagið aðstoðar m.a. fólk sem kom til Rússlands eftir að hafa flúið frá heimilum sínum í Donbas.
Alþjóðaráð Rauða krossins leitast við að standa vörð um alþjóðleg mannúðarlög, taka á mannúðarvanda og auðvelda samræður allra aðila, sem hlutlaus og óhlutdrægur milliliður.
Til að mæta aukinni þörf fyrir mannúðaraðstoð er Alþjóðaráð Rauða krossins að auka verulega við starfsemi sína, þ.á.m. með aukinni aðstoð og sérfræðingum. Til að aðstoðin geti verið skilvirkari þarf að samþykkja og virða hlutlaust og óhlutdrægt svæði svo þessi bráðnauðsynlega aðstoð nái til þeirra sem þurfa á henni að halda.
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.