Alþjóðastarf
Mikil neyð í Mjanmar
02. apríl 2025
Sjálfboðaliðar Rauða krossins í Mjanmar eru að störfum við erfiðar aðstæður á hamfarasvæðum eftir jarðskjálftana miklu.
Þótt umfang mannskaða og eyðileggingar af völdum jarðskjálftanna í Mjanmar sé ekki enn að fullu ljóst er þegar komið á daginn að þúsundir hafa slasast eða látist og milljónir orðið fyrir neikvæðum áhrifum með einum eða öðrum hætti. Þau hafa misst heimili sín, búa við rafmagnsleysi, vatnsskort eða sambandsleysi. Hafa einangrast vegna skemmda á vegum og brúm.
Talið er að meirihluti mannvirkja á svæðum næst upptökum skjálftanna sé ónýtur eða skemmdur. Þrjú sjúkrahús eyðilögðust og 22 heilbrigðisstofnanir til viðbótar skemmdust. Gróflega er áætlað að um 60 þúsund heimili á svæðunum sem verst urðu úti hafi eyðilagst eða skemmst mikið.

Fyrir rúmri viku varð 7,7 stiga jarðskjálfti í miðhluta Mjanmar þar sem næststærstu borg landsins, Mandalay, er m.a. að finna. Fjölmargir eftirskjálftar tóku við, sá stærsti var 6,8 stig.
Innviðir landsins voru veikir fyrir og síðustu ár hafa vopnuð átök geisað víða um landið sem hafa veikt þá enn frekar. Við þessar aðstæður eru sjálfboðaliðar og starfsmenn Rauða krossins í Mjanmar að störfum. Þau hafa veitt slösuðum fyrstu hjálp, útvegað vatn og skjól og aðstoðað við að koma þeim sem á þurfa að halda undir læknishendur. Markmiðið er að veita um 150 þúsund manns tafarlausa aðstoð og stuðning. Fjögur teymi á þeirra vegum fara um svæðin sem urðu verst úti og setja upp neyðarsjúkrahús og vatnsbirgðastöðvar.
Áhrif jarðskjálftanna eru margvísleg og til að vinna gegn því að þau verði langvarandi þarf alþjóða samfélagið að leggjast á eitt við enduruppbyggingu.
Rauði krossinn á Íslandi hefur hafið neyðarsöfnun fyrir þolendur jarðskjálftanna í Mjanmar.
Þitt framlag skiptir máli.
Fréttir af starfinu
Fréttayfirlit
„Samfélagið sér framlag okkar og það er mikil hvatning“
Innanlandsstarf 03. apríl 2025Starfið í Eyjafjarðardeild Rauða krossins er á fleygiferð og mikið um að vera, segir Ingibjörg Halldórsdóttir deildarstjóri. Aldrei hafi fleiri sjálfboðaliðar starfað hjá deildinni og á síðasta ári.

Mínútu þögn til minningar um fallna kollega
Alþjóðastarf 02. apríl 2025Starfsfólk Rauða krossins á Íslandi kom saman í mínútu þögn fyrir utan skrifstofur félagsins í dag til að minnast kollega sem drepnir hafa verið við mannúðarstörf á Gaza og víðar undanfarið.

Bráðaliðar drepnir við störf sín
Alþjóðastarf 31. mars 2025Alþjóðaráð Rauða krossins segir svívirðilegt að átta bráðaliðar á vegum palestínska Rauða hálfmánans, auk starfsmanna almannavarna á Gaza og Sameinuðu þjóðanna, hafi verið drepnir við störf sín á svæðinu.