Alþjóðastarf
Forseti Alþjóðaráðs Rauða krossins (ICRC) fundar í Kænugarði
17. mars 2022
Peter Maurer, forseti Alþjóðaráðs Rauða krossins (ICRC) er nú staddur í Kænugarði í fimm daga í þeim tilgangi að kalla eftir auknu aðgengi mannúðaraðstoðar og hvetja til þess að dregið verði úr þjáningu óbreyttra borgara og þeir verndaðir.
Í ferð sinni mun Maurer sjá og kynna sér áskoranirnar sem óbreyttir borgarar standa frammi fyrir vegna átakanna auk þess að hitta fulltrúa ríkisstjórnar Úkraínu og kanna hvernig Rauði krossinn getur aukið enn frekar við hlutlausa og óhlutdræga mannúðaraðstoð sína sem felst m.a. í mataraðstoð, sjúkravörum og öðrum varningi til þolenda átakanna.
„Eftir gífurlegar þjáningar almennra borgara og viðamikil fjarsamskipti okkar við stjórnvöld í Rússlandi og Úkraínu finnst mér afar mikilvægt að við hittumst augliti til auglitis og getum rætt ítarlega um mikilvægi hlutlausrar, sjálfstæðrar og óhlutdrægrar mannúðaraðstoðar og að leyfi okkar til að starfa í landinu sé fullkomlega skilið og samþykkt af yfirvöldum“ sagði Maurer.
Í fyrradag aðstoðaði Rauði krossinn þúsundir óbreyttra borgara að komast örugga leið frá borginni Sumy. Um tvær bílalestir með a.m.k. 80 rútum er að ræða sem fóru frá Sumy til borgarinnar Lubny. „Umfang þessara hörmunga er einfaldlega óskiljanlegt. Hér eru hundruðir óbreyttra borgara sem reyna að komast í rútur og við munum reyna að fylgja bílalestinni og koma þeim aftur í einhverskonar öryggi“ sagði Erik Tollefsen, sendifulltrúi ICRC sem var viðstaddur aðgerðirnar.
Alþjóðaráð Rauða krossins vonast til að fleiri öruggar undakomuleiðir verði fundnar fyrir óbreytta borgara sem þurfa að komast frá átakasvæðum og eru í þörf fyrir brýna mannúðaraðstoð. Hingað til hefur Rauði krossinn aðstoðað um 60 þúsund óbreytta borgara að komast í öruggara umhverfi frá mismunandi borgum innan Úkraínu.
Alþjóðaráð Rauða krossins leggur áherslu á að auka virðingu fyrir alþjóðlegum mannúðarlögum sem og skilning á hlutverki Alþjóðaráðs Rauða krossins við að heimsækja stríðsfanga og aðra sem eru teknir höndum í tengslum við vopnuð átök og stuðla að aukinni vernd þeirra sem taka ekki lengur þátt í átökunum sem og vernd óbreyttra borgara og borgaralegra innviða.
Í ferð sinni um Úkraínu mun Peter Maurer hitta starfsfólk og sjálfboðaliða Rauða krossins sem bera uppi mannúðarstarf í landinu og sömuleiðis halda áfram reglubundnum viðræðum sínum við embættismenn í Moskvu um mannúðaraðstoð.

Fréttir af starfinu
Fréttayfirlit
Sjálfboðaliðastörf eru valdeflandi
Innanlandsstarf 07. apríl 2025Þær eru úrræðagóðar, framtakssamar og lífsglaðar. Sjálfboðaliðar ársins 2024 hjá höfuðborgardeild Rauða krossins kenna ensku, íslensku og heimsækja fólk og nálgast ólík verkefni sín af einstakri fagmennsku.

„Samfélagið sér framlag okkar og það er mikil hvatning“
Innanlandsstarf 03. apríl 2025Starfið í Eyjafjarðardeild Rauða krossins er á fleygiferð og mikið um að vera, segir Ingibjörg Halldórsdóttir deildarstjóri. Aldrei hafi fleiri sjálfboðaliðar starfað hjá deildinni og á síðasta ári.

Mínútu þögn til minningar um fallna kollega
Alþjóðastarf 02. apríl 2025Starfsfólk Rauða krossins á Íslandi kom saman í mínútu þögn fyrir utan skrifstofur félagsins í dag til að minnast kollega sem drepnir hafa verið við mannúðarstörf á Gaza og víðar undanfarið.