Almennar fréttir
Tilnefndu skyndihjálparmann ársins 2018
17. desember 2018
Hægt er að senda inn tilnefningu í gegnum skyndihjalp.is
Vitið þið um einhvern sem með snarræði sínu og réttum viðbrögðum hefur bjargað mannslífi á árinu 2018? Ef svo er sendu okkur ábendingu í gegnum vefinn skyndihjalp.is eða í gegnum hlekkinn neðst í fréttinni. Tilnefningar þurfa að berast Rauða krossinum eigi síðar en þann 19. janúar 2019.
Nánar um val á skyndihjálparmanni ársins
Á hverju ári velur Rauði krossinn skyndihjálparmann ársins . Þá er einstaklingi sem hefur á liðnu ári veitt skyndihjálp á eftirtektarverðan hátt afhent viðurkenning við hátíðlega athöfn. Tilgangurinn með tilnefningunni er að vekja athygli almennings á mikilvægi skyndihjálpar og hvetja sem flesta til að vera undir það búnir að veita hjálp á vettvangi slysa og veikinda.
Eftirfarandi reglur gilda um tilnefningar
· Skyndihjálparmaður ársins þarf að hafa bjargað mannslífi.
· Skyndihjálparmaður ársins þarf að hafa sýnt eftirtektaverða kunnáttu og færni í almennri skyndihjálp.
· Hjálpin sem veitt var verður að hafa leitt til betri líðan eða stöðugleika á ástandi hins slasaða eða sjúka frá þeim tíma sem slysið varð þar til fagfólk kom á vettvang.
· Skyndihjálparmaður ársins má ekki vera menntaður hjúkrunarfræðingur, læknir, sjúkraflutningamaður, bráðatæknir eða sjúkraliði.
· Skyndihjálparmaður ársins má ekki hafa unnið afrekið í starfi sínu innan öryggis- og bráðaþjónustu, það á til dæmis við um björgunarsveitarfólk, lögregluþjóna, öryggis- og sundlaugaverði.
Dómnefnd um val á Skyndihjálparmanni ársins er skipuð fulltrúum frá: Rauða krossinum, Slysavarnafélaginu Landsbjörg, Neyðarlínunni, Landspítala háskólasjúkrahúsi, Almannavarnadeild ríkislögreglustjóra og Landssambandi slökkviliðs- og sjúkraflutningamanna. Hver aðili skipar einn fulltrúa nema Rauði krossinn sem skipar tvo.
Skyndihjálparmaður ársins hlýtur viðurkenningaskjal Rauða krossins, skyndihjálparbók og ávísun á skyndihjálparnámskeið allt að 16 klst.
Athugið að tilnefningar verða bornar undir vitni að atburðinum.
Hægt er að senda inn tilnefningu hér.
Fréttir af starfinu
Fréttayfirlit![](/media/mkzctcum/image-5.jpg?anchor=center&mode=crop&width=420&height=279&rnd=133650831076670000)
Héldu tombólu til styrktar Rauða krossinum
Almennar fréttir 10. júlí 2024Fjórir vinir héldu tombólu á Eiðistorgi til að safna fyrir Rauða krossinn.
![](/media/wqtbufcx/20240705_121315.jpg?anchor=center&mode=crop&width=420&height=279&rnd=133649120916170000)
Héldu tombólu til að styrkja Rauða krossinn
Almennar fréttir 08. júlí 2024Vinirnir Haukur Leó Styrmisson og Angelo Snær Klemensson Semey héldu tombólu til að safna fyrir Rauða krossinn á Íslandi.
![](/media/jwfp2zvs/_a1_7065-prent.jpg?anchor=center&mode=crop&width=420&height=279&rnd=133634365763900000)
Tæplega 8.5 milljónir króna söfnuðust á Öll sem eitt tónleikunum
Innanlandsstarf 21. júní 2024Þann 7. maí síðastliðinn fóru samstöðutónleikarnir Öll sem eitt fram í Háskólabíó, en markmið tónleikanna var að sýna samstöðu með þolendum átakanna í Gaza og safna fé til að styrkja hjálparstarf þar. Á tónleikunum kom fram fjöldinn allur af frábæru íslensku tónlistarfólki fyrir framan fullan sal af gestum, en auk þessu gátu áhorfendur heima í stofu fylgst með tónleikunum í beinni útsendingu á Stöð 2.