Almennar fréttir
Söfnun CCP fyrir Rauða krossinn í Ástralíu
07. febrúar 2020
Spilarar EVE Online söfnuðu tæpum 14 milljónum króna vegna skógarelda í Ástralíu
Leikjafyrirtækið CCP fór af stað með söfnun meðal leikmanna EVE Online vegna skógarelda sem geisað hafa í Ástralíu. Söfnunin fór fram í leiknum sjálfum með gjaldmiðli leiksins, PLEX.
Alls söfnuðust 13.440.318 krónur til handa þolendum skógareldanna í Ástralíu.
Rauði krossinn á Íslandi tekur við fjárhæðinni en hún mun nýtast Rauða krossinum í Ástralíu sem staðið hefur í ströngu undanfarna mánuði og munu halda áfram næstu ár, enda mikið uppbyggingarstarf framundan.
„Aðstæður á ýmsum svæðum í Ástralíu eru hrikalegar eftir skógarelda sem hafa geisað og heimsbyggðin hefur fylgst með“ segir Atli Viðar Thorstensen sviðsstjóri hjálpar- og mannúðarsviðs Rauða krossins á Íslandi. „Sjálfboðaliðar og starfsfólk Rauða krossins í Ástralíu hafa brugðist við með margs konar hætti; aðstoðað við rýmingar á svæðum, skráð fólk svo að ástvinir geti fundið hvern annan, veitt sálrænan stuðning enda um mjög erfiðar og langvarandi aðstæður að ræða, dreift mat, vatni og öðrum nauðsynlegum hjálpargögnum til fólks svo eitthvað sé nefnt. Það er ómetanlegt fyrir félög eins og Rauða krossinn að fá stuðning sem þennan sem spilarar EVE hafa veitt okkur“ segir Atli Viðar.
Söfnunarátakið hefur vakið töluverða athygli, ekki síst kaup Scott
Manley á sjaldæfu geimskipi í leiknum sem seldist fyrir rúmar 4 milljónir króna (33.000 USD). Í þessu myndbandi gerir Scott grein fyrir því hvað varð til þess að keypti skipið.
„Við vildum þakka þeim einstaklingum í samfélaginu sem hvöttu CCP til að endurvekja PLEX for GOOD til þess að aðstoða við hamfarirnar í Ástralíu, auk allra þeirra sem lögðu átakinu lið“ segir Dan Crone, samfélagsstjóri EVE Online. „Spilararnir veita okkur hjá CCP innblástur og gera okkur stolt á hverjum degi. Við trúum því að samfélagið okkar sé besta samfélag tölvuleikjaspilara á netinu.“
Á síðunni redcross.org.au/bushfirefunds má finna upplýsingar um það hvernig ástralski Rauði krossinn hyggst nýta það fjármagn sem borist hefur vegna hamfaranna.
Spilarar EVE Online hafa áður látið gott af sér leiða með þessum hætti, m.a. með tæplega 14 milljón króna framlagi til mannúðar- og hjálparstarfs í Nepal.
„Við erum ótrúlega ánægð með þetta mikilvæga framlag til mannúðarmála og þökkum CCP heilshugar fyrir framtakið“ segir Atli Viðar að lokum.
Á meðfylgjandi mynd eru Brent Hooper (CCP, tölfræðingur), Dan Crone (CCP, samfélagsfulltrúi EVE Online), Atli Viðar Thorstensen (Rauði krossinn, sviðstjóri hjálpar- og mannúðarsviðs), Björg Kjartansdóttir (Rauði krossinn, sviðstjóri fjáröflunar- og kynningarmála), Kamil Wojtas (CCP, samfélagsstjóri EVE Online), Ingibjörg Lilja Diðriksdóttir (CCP, útgáfustjóri) og Eyrún Jónsdóttir (CCP, markaðsstjóri).
Fréttir af starfinu
Fréttayfirlit![](/media/mkzctcum/image-5.jpg?anchor=center&mode=crop&width=420&height=279&rnd=133650831076670000)
Héldu tombólu til styrktar Rauða krossinum
Almennar fréttir 10. júlí 2024Fjórir vinir héldu tombólu á Eiðistorgi til að safna fyrir Rauða krossinn.
![](/media/wqtbufcx/20240705_121315.jpg?anchor=center&mode=crop&width=420&height=279&rnd=133649120916170000)
Héldu tombólu til að styrkja Rauða krossinn
Almennar fréttir 08. júlí 2024Vinirnir Haukur Leó Styrmisson og Angelo Snær Klemensson Semey héldu tombólu til að safna fyrir Rauða krossinn á Íslandi.
![](/media/jwfp2zvs/_a1_7065-prent.jpg?anchor=center&mode=crop&width=420&height=279&rnd=133634365763900000)
Tæplega 8.5 milljónir króna söfnuðust á Öll sem eitt tónleikunum
Innanlandsstarf 21. júní 2024Þann 7. maí síðastliðinn fóru samstöðutónleikarnir Öll sem eitt fram í Háskólabíó, en markmið tónleikanna var að sýna samstöðu með þolendum átakanna í Gaza og safna fé til að styrkja hjálparstarf þar. Á tónleikunum kom fram fjöldinn allur af frábæru íslensku tónlistarfólki fyrir framan fullan sal af gestum, en auk þessu gátu áhorfendur heima í stofu fylgst með tónleikunum í beinni útsendingu á Stöð 2.