Almennar fréttir
Söfnuðu fyrir hjálparstarf Rauða krossins
01. september 2022
Í Grunnskólanum í Þorlákshöfn hefur þemaverkefnið Þorpið verið haldið reglulega síðan 2013. Þá daga sem Þorpið er breytist skólinn í fríríki þar sem ýmis fyrirtæki eru stofnuð. Nemendur sækja vinnu og fá laun fyrir vinnu sína í gjaldmiðli Þorpsins. Í lok verkefnisins heimsækja bæjarbúar fríríkið og kaupa þjónustu og ýmsan varning. Hagnaður varð af verkefninu í vor og því ljóst að hægt væri að gefa hluta hans til í gott málefni. Hjálparstarf Rauða krossins vegna stríðsins í Úkraínu varð fyrir valinu enda þörfin mikil. 7.bekkur fékk það hlutverk að afhenta gjöfina að upphæð 150.000 kr.
Við þökkum þessum duglegu börnum í Þorlákshöfn kærlega fyrir sitt framlag í þágu mannúðar!
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.