Almennar fréttir
Sjálfboðaliðaþing Rauða krossins 2021
04. maí 2021
Sjálfboðaliðaþing Rauða krossins á Íslandi 2021 fer fram laugardaginn 8. maí sem er alþjóðadagur Rauða krossins og Rauða hálfmánans.
Sjálfboðaliðaþing Rauða krossins 2021 fer fram laugardaginn 8. maí. Þingið verður það þriðja sem félagið heldur en Rauði krossinn hefur staðið fyrir slíkum viðburðum annað hvert ár frá árinu 2017. Að þessu sinni fer þingið fram á alþjóðadegi Rauða krossins og Rauða hálfmánans en dagurinn er helgaður sjálfboðaliðum hreyfingarinnar um heim allan.
Vegna gildandi samkomutakmarkana verður þingið að þessu sinni haldið í beinu streymi á netinu og er því öllum aðgengilegt. Útsendingin hefst klukkan 10 á laugardagsmorgun og stendur fram eftir degi en dagskrá þingsins má sjá hér fyrir neðan. Við hvetjum alla sjálfboðaliða félagsins og önnur áhugasöm um starfsemi Rauða krossins til að fylgjast með.
![\"SJALFBODALIDAThING-RAUDA-KROSSINS-final\"](\"/media/uncategorized/sjalfbodalidathing-rauda-krossins-final.png\")
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.