Almennar fréttir
Sjálfboðaliðaþing á alþjóðadegi Rauða krossins 2021
08. maí 2021
Í dag, 8. maí, er alþjóðadagur Rauða krossins. Það er því vel við hæfi að sjálfboðaliðaþing Rauða krossins á Íslandi 2021 sé einnig haldið í dag en að þessu sinni fer þingið fram í beinu streymi á netinu.
Í dag, 8. maí, er alþjóðadagur Rauða krossins. Deginum, sem er fæðingardagur Henry Dunant stofnanda hreyfingarinnar, er fagnað ár hvert og er hann fyrst og fremst helgaður þeim milljónum sjálfboðaliða sem um allan heim gefa vinnu sína undir merkjum Rauða krossins og Rauða hálfmánans. Rauði krossinn á Íslandi sendir öllum sjálfboðaliðum félagsins bestu kveðjur í tilefni dagsins með þökkum fyrir þeirra mikilvægu störf í þágu mannúðar.
Í ár fagnar alþjóðahreyfing Rauða krossins og Rauða hálfmánans sjálfboðaliðum sínum undir yfirskriftinni Together we are #unstoppable eða Saman erum við #óstöðvandi og er þar vísað til þrotlausrar vinnu sjálfboðaliða hreyfingarinnar í baráttunni við kórónaveiruna á síðastliðnu ári. Heimsfaraldurinn hefur haft mikil áhrif á verkefni Rauða krossins og Rauða hálfmánans en landsfélög og sjálfboðaliðar hreyfingarinnar hafa meðal annars komið að verkefnum tengdum sóttvörnum, aðhlynningu, útvegun hjálpargagna og nauðþurfta, sjúkraflutningum og þannig mætti áfram telja. Hafa verkefni tengt faraldrinum því bæst við fyrri verkefni hreyfingarinnar tengd hjálparstarfi á átakasvæðum, forvörnum, þróunarsamvinnu og öðru.
Það er því vel við hæfi að sjálfboðaliðaþing Rauða krossins á Íslandi 2021 sé einnig haldið í dag en að þessu sinni fer þingið fram í beinu streymi á netinu. Á dagskrá þingsins, sem hefst klukkan 10, eru fjölbreytt og fræðandi erindi sem snúa að verkefnum Rauða krossins, leiðtogafærni, framtíð sjálfboðaliðasamtaka og fleira.
- Dagskrá þingsins má sjá á meðfylgjandi mynd
- Þingið fer fram í opnu streymi á Facebook
Myndband alþjóðasambands Rauða krossins í tilefni alþjóðadagsins 8. maí 2021
Fréttir af starfinu
Fréttayfirlit![](/media/mkzctcum/image-5.jpg?anchor=center&mode=crop&width=420&height=279&rnd=133650831076670000)
Héldu tombólu til styrktar Rauða krossinum
Almennar fréttir 10. júlí 2024Fjórir vinir héldu tombólu á Eiðistorgi til að safna fyrir Rauða krossinn.
![](/media/wqtbufcx/20240705_121315.jpg?anchor=center&mode=crop&width=420&height=279&rnd=133649120916170000)
Héldu tombólu til að styrkja Rauða krossinn
Almennar fréttir 08. júlí 2024Vinirnir Haukur Leó Styrmisson og Angelo Snær Klemensson Semey héldu tombólu til að safna fyrir Rauða krossinn á Íslandi.
![](/media/jwfp2zvs/_a1_7065-prent.jpg?anchor=center&mode=crop&width=420&height=279&rnd=133634365763900000)
Tæplega 8.5 milljónir króna söfnuðust á Öll sem eitt tónleikunum
Innanlandsstarf 21. júní 2024Þann 7. maí síðastliðinn fóru samstöðutónleikarnir Öll sem eitt fram í Háskólabíó, en markmið tónleikanna var að sýna samstöðu með þolendum átakanna í Gaza og safna fé til að styrkja hjálparstarf þar. Á tónleikunum kom fram fjöldinn allur af frábæru íslensku tónlistarfólki fyrir framan fullan sal af gestum, en auk þessu gátu áhorfendur heima í stofu fylgst með tónleikunum í beinni útsendingu á Stöð 2.