Almennar fréttir
Sendifulltrúar við störf í Bangladess
04. janúar 2019
Í október á síðasta ári fóru Ingibjörg Ösp Ingólfsdóttir og Kolbrún Þorsteinsdóttir, hjúkrunarfræðingar, í sínar fyrstu starfsferðir sem sendifulltrúar fyrir Rauða krossinn. Þær fóru til Cox Bazar í Bangladess þar sem þær störfuðu fram að jólum en alls hafa 26 sendifulltrúar á vegum Rauða krossins starfað við neyðartjaldsjúkrahús í kjölfar fólkflutnings yfir 900.000 Róhingja frá Mjanmar til Bangladess.
Í október á síðasta ári fóru þær Ingibjörg Ösp Ingólfsdóttir og Kolbrún Þorsteinsdóttir, hjúkrunarfræðingar, í sínar fyrstu starfsferðir sem sendifulltrúar fyrir Rauða krossinn. Þær fóru til Cox Bazar í Bangladess þar sem þær störfuðu fram að jólum en alls hafa 26 sendifulltrúar á vegum Rauða krossins starfað við neyðartjaldsjúkrahús í kjölfar fólkflutnings yfir 900.000 Róhingja frá Mjanmar til Bangladess. Ingibjörg er komin heim eftir vel lukkaða ferð sem hún segir að hafi verið ótrúlega lífsreynslu.
Aðspurð um hvað var eftirminnilegast sagði hún að 9 ára stelpa sem hún hlúði að sé henni enn ofarlega í huga. Hún býr í flóttamannabúðunum í Cox Bazar og lenti í umferðarslysi þegar hún þurfti að fara yfir götu til þess að kaupa sér banana. Eftir slysið var brjóstkassi hennar illa farinn og var farið með hana á neyðartjaldsjúkrahús Rauða krossins sem er á þessu svæði. Við nánari skoðun kom í ljós að stúlkan var með nokkur brotin rifbein, skurði og mar. Starfsfólk Rauða krossins tók á móti henni, framkvæmdi á henni aðgerð og hlúði að meiðslum hennar. Hún lá á barnadeild í rúma viku og fór svo heim til sín aftur. Hún samþykkti að myndin að ofan væri tekin af henni þar sem hún fær meðferð vegna beinbrotanna.
Ákveðið var að sjúkrahúsið starfi út árið 2018 vegna þess hve þörfin er mikil en almennt eru neyðartjaldsjúkrahús aðeins sett upp til afar skamms tíma. Sjúkrahúsið hefur veitt rúmlega 52.000 einstaklingum aðstoð síðan í október 2017. Af þessu er ljóst að mikil þörf er á því að halda úti starfandi neyðarsjúkrahúsi á þessu svæði þar sem gríðarlegur fjöldi flóttamanna er á þessu svæði sem þurfa á heilbrigðisþjónustu að halda. Frá og með 1. janúar 2019 mun Rauð hálfmáninn taka við rekstri spítalans og verður honum breytt í almenna heilsugæslu til að halda þessari lífsnauðsynlegu aðstoð áfram.
Á myndinni má sjá Ingibjörgu, Kolbrúnu ásamt Jóhönnu Elísabetu Jónsdóttur sem einnig starfaði við Cox Bazar neyðartjaldsjúkrahúsið í nóvember.
Fréttir af starfinu
Fréttayfirlit![](/media/pxjgzld0/agust-8-seldu-djus-og-kleinur.jpg?anchor=center&mode=crop&width=420&height=279&rnd=133679522746870000)
Seldu djús, kirsuber og kleinur til styrktar Rauða krossinum
Almennar fréttir 12. ágúst 2024Fimm vinir á Akureyri settu upp sölubás og seldu ýmsar vörur til að styrkja Rauða krossinn.
![](/media/qhchdpvx/20240806_131436.jpg?anchor=center&mode=crop&width=420&height=279&rnd=133674259855030000)
Seldi muni til að geta styrkt Rauða krossinn
Almennar fréttir 06. ágúst 2024Klara Björk Ágústsdóttir seldi litla muni fyrir utan heimilið sitt til að geta styrkt Rauða krossinn.
![](/media/zbofuqaq/20240722_110910.jpg?anchor=center&mode=crop&width=420&height=279&rnd=133664661628200000)
Heitasta ósk allra að ástandið skáni
Alþjóðastarf 26. júlí 2024Hólmfríður Garðarsdóttir kom nýlega heim eftir mjög krefjandi ferð sem sendifulltrúi til Gaza, þar sem hún starfaði á neyðarsjúkrahúsi Rauða krossins. Hólmfríður er þrautreyndur sendifulltrúi en upplifði einar verstu aðstæður ferils síns í ferðinni.