Almennar fréttir
Rauði krossinn vekur athygli á túrheilbrigði kvenna á fátækum svæðum
07. júní 2019
Víða um heim skortir stúlkur dömubindi og hafa lítinn sem engan aðgang að hreinlætisaðstöðu þegar þær eru á túr.
Víða um heim skortir stúlkur dömubindi og hafa lítinn sem engan aðgang að hreinlætisaðstöðu þegar þær eru á túr. Í kjölfar alþjóðlega túlheilbrigðisdagsins sem var 28. maí sl. efndi Rauði krossinn á Íslandi til átaks til að vekja athygli á þessu mikilvæga málefni sem í gegnum tíðina hefur ekki fengið mikla athygli þegar um er að ræða þróunar- og mannúðaraðstoð.
Á hamfarasvæðum þar sem fólk hefur þurft að flýja heimili sín getur þessi vandi stóraukist og mikilvægt er að viðbragðsaðilar taki tillit til þessa. Túr getur verið mjög viðkvæmt málefni og oft hafa stúlkur engar upplýsingar um hverju þær eiga von á.
Rauði krossinn hefur um árabil unnið með stúlkum sem búa við sárafátækt á dreifbýlum svæðum í Malaví. Mikil áhersla er lögð á túrhreinlæti, túrheilbrigði og að vinna gegn túrskömm, en hún hamlar stúlkum á marga vegu, brýtur meðal annars upp skólagöngu. Aðgengi að dömubindum er mjög takmarkað á fjölda dreifbýlla svæða í landinu og ótalmargar stúlkur missa viku úr skóla í hverjum mánuði, en í skólum er salernisaðstæður oft ófullnægjandi og stúlkur verða fyrir aðkasti ef aðrir verða þess var að þær eru á túr. Ekki góðar aðstæður til að fara á túr án dömubinda Það er óásættanlegt!
Við höfum opnað þetta mikilvæga samtal við íbúa á verkefnasvæðum okkar og vinnum nú með hópum unglingsstúlkna að málefninu. Einn þáttur þess felst í því að kenna þeim að sauma sér margnota dömubindi.
Þú getur tekið þátt með því að kaupa fjölnota dömubindi í vefverslun Rauða krossins hér.
Fréttir af starfinu
Fréttayfirlit![](/media/mkzctcum/image-5.jpg?anchor=center&mode=crop&width=420&height=279&rnd=133650831076670000)
Héldu tombólu til styrktar Rauða krossinum
Almennar fréttir 10. júlí 2024Fjórir vinir héldu tombólu á Eiðistorgi til að safna fyrir Rauða krossinn.
![](/media/wqtbufcx/20240705_121315.jpg?anchor=center&mode=crop&width=420&height=279&rnd=133649120916170000)
Héldu tombólu til að styrkja Rauða krossinn
Almennar fréttir 08. júlí 2024Vinirnir Haukur Leó Styrmisson og Angelo Snær Klemensson Semey héldu tombólu til að safna fyrir Rauða krossinn á Íslandi.
![](/media/jwfp2zvs/_a1_7065-prent.jpg?anchor=center&mode=crop&width=420&height=279&rnd=133634365763900000)
Tæplega 8.5 milljónir króna söfnuðust á Öll sem eitt tónleikunum
Innanlandsstarf 21. júní 2024Þann 7. maí síðastliðinn fóru samstöðutónleikarnir Öll sem eitt fram í Háskólabíó, en markmið tónleikanna var að sýna samstöðu með þolendum átakanna í Gaza og safna fé til að styrkja hjálparstarf þar. Á tónleikunum kom fram fjöldinn allur af frábæru íslensku tónlistarfólki fyrir framan fullan sal af gestum, en auk þessu gátu áhorfendur heima í stofu fylgst með tónleikunum í beinni útsendingu á Stöð 2.