Almennar fréttir
Rauði krossinn tók þátt í flugslysaæfingu
26. október 2021
Viðbragðshópar Rauða krossins á Suðurnesjum og höfuðborgarsvæðinu tóku þátt í umfangsmikilli flugslysaæfingu laugardaginn 23. október á Keflavíkurflugvelli. Rauði krossinn opnaði söfnunarsvæði fyrir aðstandendur bæði í Reykjanesbæ og Reykjavík auk þess að koma til aðstoðar á söfnunarsvæði slasaðra á flugvellinum og við stjórnun og samhæfingu aðgerðanna í Samhæfingarstöð almannavarna í Reykjavík og aðgerðastjórn almannavarna á Suðurnesjum.
Viðbragðshópar Rauða krossins á Suðurnesjum og höfuðborgarsvæðinu tóku þátt í umfangsmikilli flugslysaæfingu laugardaginn 23. október á Keflavíkurflugvelli. Æfð voru viðbrögð við því að stór farþegaflugvél með um 150 manns innanborðs hefði brotlent við lendingu. Eldar kviknuðu og allt viðbragðslið á suðvesturhorninu var virkjað á fyrsta forgangi.
Rauði krossinn opnaði söfnunarsvæði fyrir aðstandendur bæði í Reykjanesbæ og Reykjavík auk þess að koma til aðstoðar á söfnunarsvæði slasaðra á flugvellinum og við stjórnun og samhæfingu aðgerðanna í Samhæfingarstöð almannavarna í Reykjavík og aðgerðastjórn almannavarna á Suðurnesjum.
Æfingar af þessu tagi eru nauðsynlegar til að samhæfa fyrstu viðbrögð allra viðbragðsaðila svo björgun fólks verði með eins markvissum og öruggum hætti og nokkur kostur er á.
![\"\"](\"/media/neydarvarnir/medium/img_3555.jpg\")
ISAVIA boðar reglulega til æfinga á öllum áætlunarflugvöllum á Íslandi í samstarfi við almannavarnadeild ríkislögreglustjóra. Allir viðbragðsaðilar taka þátt í þessum æfingum s.s. lögregla, slökkvilið, sjúkraflutningamenn flugvallarstarfsfólk, björgunarsveitir, heilbrigðisstarfsfólk, Landhelgisgæslan, Neyðarlínan og viðbragðshópar Rauða krossins. Þá koma fjölmargir aðrir að þeim svo sem starfsfólk sendiráða, utanríkisþjónustunnar, Rannsóknarnefnd Samgönguslysa, Kennslanefnd ríkislögreglustjóra, starfsfólk flugfélaga og mikill fjöldi sjálfboðaliða sem taka að sér hlutverk slasaðra á vettvangi og aðstandenda.
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.