Almennar fréttir
Rauði krossinn óskar eftir sjálfboðaliðum og Mannvinum
19. mars 2020
Mikið álag vegna Covid-19 kallar á aukinn stuðning
\r\n
Rauði krossinn hefur fundið fyrir miklum velvilja meðal fólks sl. vikur og margir vilja gefa af sér í óvissuástandi líkt og nú ríkir.
Mörg sjálfboðaliðaverkefna Rauða krossins hafa fallið niður tímabundið eða breyst vegna ástandsins. Þannig hefur t.d. heimsóknavinum verið breytt í símavini eins og mögulegt er og opnum húsum fyrir innflytjendur verið lokað tímabundið en reynt er að veita aðstoð í gegnum síma eins og hægt er.
Fjölmargir hafa sett sig í samband við Rauða krossinn til þess að bjóða fram aðstoð. Nú hefur verið opnað skráningarform þar sem hægt er að skrá sig sem tímabundinn sjálfboðaliða sem Rauði krossinn getur leitað til ef á þarf að halda.
„Þar sem mikið annríki er hjá Rauða krossinum þá biðjum við fólk um að sýna því skilning að við höfum samband eftir þörfum en getum ekki sett okkur í samband við hvern og einn. Við leitum til fólks eftir því hvað verkefnin kalla á“ segir Brynhildur Bolladóttir, upplýsingafulltrúi Rauða krossins.
„Það er hægt að skrá sig hjá okkur og við biðjum fólk sérstaklega um að taka fram ef það hefur reynslu, tungumálakunnáttu eða menntun sem getur nýst.“ Ennfremur segir Brynhildur að vegna álagsins þurfi Rauði krossinn fleiri Mannvini, en mánaðarlegt framlag getur breytt öllu fyrir starfið sem er framundan.
Gerast mannvinur eða sjálfboðaliðiFréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.