Almennar fréttir
Rán Flygenring teiknar veggspjöld fyrir Rauða krossinn
11. apríl 2022
Myndhöfundurinn Rán Flygenring teiknaði veggspjöld um sálræna skyndihjálp og hvernig sé best að tryggja öryggi sitt á flótta.
![](/media/kmjov0am/rán-flygenring.jpg?anchor=center&mode=crop&width=300&height=300&rnd=132941417000270000)
Rán Flygenring, myndhöfundur
Nú þegar eru tilbúin veggspjöld á sex tungumálum og verður þeim dreift m.a. um Evrópu þar sem fólk sem hefur flúið Úkraínu dvelur. Veggspjöldin minna á atriði sem hjálpa fólki að takast á við erfiðar aðstæður, bæði þeim sem lúta að andlegri og líkamlegri heilsu sem og grundvallaröryggisatriði svo sem að gæta þess að verða ekki viðskila við fjölskyldu sína eða hóp, treysta ekki hverjum sem er, leita áreiðanlegra upplýsinga og halda sambandi við ástvini. Á hverju veggspjaldi er síðan QR-kóði með þeirri heimasíðu hvers lands sem geymir bestu upplýsingar um stuðning, réttindi og þjónustu sem flóttafólki er veitt í viðkomandi landi.
„Verkefnið kom til mín með engum fyrirvara og þurfti að vinnast hratt, eðli málsins samkvæmt. Ég nánast henti öllu til hliðar til að geta brugðist sem fyrst og best við enda ekki á hverjum degi sem maður fær verkefni af þessari neyðargráðu. Sökum þess álags sem mæðir á starfsmönnum Rauða krossins á landamærum Úkraínu þurfti ég að fylla í óvenju margar eyður við gerð veggspjaldsins en það var ótrúlegt hvað þetta náði að slípast og mótast á stuttum tíma. Það er greinilegt að þau sem komu að verkinu eru vön faglegum og hröðum vinnubrögðum. Þetta þarf líka að vera svo skýrt og aðgengilegt efni, ekki mikið pláss fyrir mistök eða bull. Ég er bara afskaplega glöð að geta lagt eitthvað af mörkum.“ segir Rán.
![](/media/v0zlnev0/mhpss-poster-ukranian-1.png?width=800)
Fréttir af starfinu
Fréttayfirlit![](/media/mkzctcum/image-5.jpg?anchor=center&mode=crop&width=420&height=279&rnd=133650831076670000)
Héldu tombólu til styrktar Rauða krossinum
Almennar fréttir 10. júlí 2024Fjórir vinir héldu tombólu á Eiðistorgi til að safna fyrir Rauða krossinn.
![](/media/wqtbufcx/20240705_121315.jpg?anchor=center&mode=crop&width=420&height=279&rnd=133649120916170000)
Héldu tombólu til að styrkja Rauða krossinn
Almennar fréttir 08. júlí 2024Vinirnir Haukur Leó Styrmisson og Angelo Snær Klemensson Semey héldu tombólu til að safna fyrir Rauða krossinn á Íslandi.
![](/media/jwfp2zvs/_a1_7065-prent.jpg?anchor=center&mode=crop&width=420&height=279&rnd=133634365763900000)
Tæplega 8.5 milljónir króna söfnuðust á Öll sem eitt tónleikunum
Innanlandsstarf 21. júní 2024Þann 7. maí síðastliðinn fóru samstöðutónleikarnir Öll sem eitt fram í Háskólabíó, en markmið tónleikanna var að sýna samstöðu með þolendum átakanna í Gaza og safna fé til að styrkja hjálparstarf þar. Á tónleikunum kom fram fjöldinn allur af frábæru íslensku tónlistarfólki fyrir framan fullan sal af gestum, en auk þessu gátu áhorfendur heima í stofu fylgst með tónleikunum í beinni útsendingu á Stöð 2.