Almennar fréttir
Neyðarvarnarmálþing Rauða krossins
07. október 2019
Um helgina var haldið vel heppnað neyðarvarnarmálþing á Heimalandi undir Eyjafjöllum.
Um helgina fór fram neyðarvarnarmálþing Rauða krossins á Heimalandi undir Eyjafjöllum.
Neyðarvarnir eru eitt af mikilvægustu verkefnum Rauða krossins um allt land. Á ári hverju bregðast sjálfboðaliðar við fjölda alvarlegra atburða, svo sem náttúruhamförum, samgönguslysum, húsbrunum og vinnuslysum. Þegar hættuástand skapast vegna náttúruhamfara eða annarra stórslysa fer neyðarvarnarkerfi Rauða krossins í gang.
Um 90 sjálfboðaliðar hvaðanæva af landinu mættu á þingið þar sem áhersla var lögð á fjalla um sálrænan stuðning og stjórnendaþjálfun í neyðarvörnum. Á þinginu hélt Kjartan Þorkelsson lögreglustjóri á Suðurlandi erindi um almannavarnir á Suðurlandi, en þar eru ýmsir áhættuþættir t.a.m. vegna eldgosa, flóða og fjölda ferðamanna á þeim slóðum. Þá hélt Kristín Jónsdóttir, hópstjóri jarðvár á Veðurstofunni erindi um náttúruvá.
Verkefni Rauða krossins hafa aukist verulega á síðustu árum og vel þjálfaðir sjálfboðaliðar eru tilbúnir að bregðast við útköllum vegna ýmissa atburða.
Á þessu ári hefur Rauði krossinn sinnt útköllum vegna alls 84 atburða:
- 8 húsbrunar
- 27 voveifleg dauðsföll og slys
- 19 sjálfsvíg, sjálfsvígstilraunir og hungurverkföll
- 4 bílslys
- 9 árásir, innbrot og önnur ólögmæt athæfi
- 4 flugatvik
- 2 flugslys
- 5 sjóslys
- 1 hætta á gróðureldum
- 1 jarðskjálftahrina Norðurlandi
- 2 rútuslys
- 1 gjaldþrot fyrirtækis
- 1 fjöldahjálparstöð vegna veðurs
- Auk fjölmargra æfinga
Stuðningur Mannvina Rauða krossins skiptir sköpum fyrir Neyðarvarnir Rauða krossins og hefur m.a. tryggt að neyðarvarnarkerrur eru nú til staðar í öllum landshlutum.
Fréttir af starfinu
Fréttayfirlit![](/media/mkzctcum/image-5.jpg?anchor=center&mode=crop&width=420&height=279&rnd=133650831076670000)
Héldu tombólu til styrktar Rauða krossinum
Almennar fréttir 10. júlí 2024Fjórir vinir héldu tombólu á Eiðistorgi til að safna fyrir Rauða krossinn.
![](/media/wqtbufcx/20240705_121315.jpg?anchor=center&mode=crop&width=420&height=279&rnd=133649120916170000)
Héldu tombólu til að styrkja Rauða krossinn
Almennar fréttir 08. júlí 2024Vinirnir Haukur Leó Styrmisson og Angelo Snær Klemensson Semey héldu tombólu til að safna fyrir Rauða krossinn á Íslandi.
![](/media/jwfp2zvs/_a1_7065-prent.jpg?anchor=center&mode=crop&width=420&height=279&rnd=133634365763900000)
Tæplega 8.5 milljónir króna söfnuðust á Öll sem eitt tónleikunum
Innanlandsstarf 21. júní 2024Þann 7. maí síðastliðinn fóru samstöðutónleikarnir Öll sem eitt fram í Háskólabíó, en markmið tónleikanna var að sýna samstöðu með þolendum átakanna í Gaza og safna fé til að styrkja hjálparstarf þar. Á tónleikunum kom fram fjöldinn allur af frábæru íslensku tónlistarfólki fyrir framan fullan sal af gestum, en auk þessu gátu áhorfendur heima í stofu fylgst með tónleikunum í beinni útsendingu á Stöð 2.