Almennar fréttir
Neyðarsöfnun fyrir íbúa Afganistans
17. ágúst 2021
Alþjóðaráð Rauða krossins (ICRC) hefur sent frá sér ákall vegna ástandsins í Afganistan, sem veldur miklum þjáningum fyrir borgara í landinu.
Alþjóðaráð Rauða krossins (ICRC) hefur sent frá sér ákall vegna ástandsins í Afganistan, sem veldur miklum þjáningum fyrir borgara í landinu. Frá 1. ágúst síðastliðnum hefur Rauði krossinn tekið á móti fleiri en 7.600 sjúklingum sem hafa slasast í átökum, auk þess hefur yfir 40.000 sjúklingum verið sinnt á sjúkrahúsum er Rauði krossinn hefur stutt frá byrjun júní síðastliðnum.
Rauði krossinn gerir ráð fyrir að þörf sé á bráðri heilbrigðisþjónustu á næstu mánuðum og endurhæfingu borgara á næstu árum vegna sprengja sem komið hefur verið fyrir víðsvegar í jarðvegi um landið. Fjöldi barna og ungs fólks hefur misst útlimi sína vegna slíkra sprenginga.
Brýn þörf hefur verið mannúðaraðstoð í Afganistan undanfarin ár og síst hefur dregið úr þeirri þörf síðustu vikur og daga.
Rauði krossinn á Íslandi hefur hafið sérstaka söfnun til styrktar íbúum Afganistan í ljósi þess neyðarástands sem skapast hefur í landinu vegna yfirtöku Talíbana á fjölda héraða landsins undanfarnar vikur og daga. Það fjármagn sem safnast mun renna til Alþjóða Rauða krossins sem hefur sinnt mannúðarstarfi í Afganistan síðustu þrjá áratugi vegna viðvarandi átaka, þurrka og flóða á víxl. Fjármagninu verður varið í mannúðaraðgerðir í landinu til að stuðla að velferð íbúa þess.
Rauði krossinn leggur áherslu á að halda áfram að veita íbúum landsins mannúðaraðstoð, sérstaklega í ljósi þess flókna ástands sem þar nú ríkir, með áherslu á að hjálpa særðum og sjúkum, styðja sjúkrahús og heilsugæslur, bæta vatns- og hreinlætisaðstöðu ásamt því að aðstoða fólk við að vinna gegn áhrifum COVID-19 faraldursins sem landsmenn hafa ekki farið varhluta af, og styðja við mannúðarstarf Afganska Rauða hálfmánans.”
Rauði krossinn hefur einstakt aðgengi á landsvísu til að sinna mannúðaraðstoð til handa þolendum átaka í Afganistan og þess ástands sem þar hefur nú skapast. Hreyfing Rauða krossins gerir engan mun á milli manna eftir þjóðerni þeirra, uppruna, trúarbrögðum, kyni, stétt eða stjórnmálaskoðunum og skal hún gæta hlutleysis í ófriði og aldrei taka þátt í deilum vegna stjórnmála, uppruna, trúarbragða eða hugmyndafræði.
Hægt er að veita nauðsynlega mannúðaraðstoð til stríðshrjáðra borgara með eftirtöldum leiðum:
SMS: Senda HJALP í símanúmerið 1900 (2.900 kr.)
Aur: @raudikrossinn eða 1235704000
Kass: raudikrossinn eða 7783609
Söfnunarreikningur Rauða krossins: 0342-26-12, kt. 530269-2649
Fréttir af starfinu
Fréttayfirlit![](/media/mkzctcum/image-5.jpg?anchor=center&mode=crop&width=420&height=279&rnd=133650831076670000)
Héldu tombólu til styrktar Rauða krossinum
Almennar fréttir 10. júlí 2024Fjórir vinir héldu tombólu á Eiðistorgi til að safna fyrir Rauða krossinn.
![](/media/wqtbufcx/20240705_121315.jpg?anchor=center&mode=crop&width=420&height=279&rnd=133649120916170000)
Héldu tombólu til að styrkja Rauða krossinn
Almennar fréttir 08. júlí 2024Vinirnir Haukur Leó Styrmisson og Angelo Snær Klemensson Semey héldu tombólu til að safna fyrir Rauða krossinn á Íslandi.
![](/media/jwfp2zvs/_a1_7065-prent.jpg?anchor=center&mode=crop&width=420&height=279&rnd=133634365763900000)
Tæplega 8.5 milljónir króna söfnuðust á Öll sem eitt tónleikunum
Innanlandsstarf 21. júní 2024Þann 7. maí síðastliðinn fóru samstöðutónleikarnir Öll sem eitt fram í Háskólabíó, en markmið tónleikanna var að sýna samstöðu með þolendum átakanna í Gaza og safna fé til að styrkja hjálparstarf þar. Á tónleikunum kom fram fjöldinn allur af frábæru íslensku tónlistarfólki fyrir framan fullan sal af gestum, en auk þessu gátu áhorfendur heima í stofu fylgst með tónleikunum í beinni útsendingu á Stöð 2.