Almennar fréttir
Mikilvægt að sammælast um algjört bann við kjarnorkuvopnum
24. apríl 2019
Sveinn Kristinnson, formaður Rauða krossins á Íslandi, ritaði nýlega grein um kjarnorkuvopn. Þar minnir hann okkur á að ,,við öll stöndum frammi fyrir því stóra og mikilvæga verkefni að skapa skilyrði fyrir kjarnorkuvopnalausan heim og koma þannig í veg fyrir beitingu kjarnorkuvopna.‘‘
Sveinn Kristinsson, formaður Rauða krossins á Íslandi, ritaði nýlega grein um kjarnorkuvopn. Þar minnir hann okkur á að ,,við öll stöndum frammi fyrir því stóra og mikilvæga verkefni að skapa skilyrði fyrir kjarnorkuvopnalausan heim og koma þannig í veg fyrir beitingu kjarnorkuvopna.‘‘ Afar þungbært sé að enn sé hætta á að þessum svo afar skaðlegum vopnum verði beitt. Í greininni bendir Sveinn á að ríkisstjórnir og ráðamenn heimsins þurfi að sammælast um algjört bann við kjarnorkuvopnum. Fyrsta skrefið sé að hvetja okkar eigin stjórnvöld á Íslandi og önnur ríki til þess að skrifa undir og fullgilda samning Sameinuðu þjóðanna um bann við kjarnorkuvopnum.
74 ár eru liðin frá því að kjarnorkuvopnum var beitt í hernaði í fyrsta skipti. Gríðarlega alvarlegar afleiðingar eru af kjarnorkuvopnum er búa yfir ótrúlegum eyðingarmætti. Heimsbyggðin mun seint gleyma þeim skelfilegu afleiðingum sem urðu vegna kjarnorkuárásanna á Hírósíma og Nagasaki fyrir 74 árum, þar sem tugþúsundir manna létust á svipstundu. Tugir þúsunda urðu fyrir langvarandi áhrifum sem sumir hverjir glíma enn við í dag.
Alþjóðahreyfing Rauða krossins og Rauða hálfmánans hafa beitt sér fyrir algjöru banni og útrýmingu kjarnorkuvopna, en eðli kjarnorkuvopna er slíkt að ljóst er að hvorki Rauði krossinn né annar hjálparaðili myndi hætta sér inn á svæði þar sem kjarnorkusprengja er sprengd til þess að veita fórnarlömbum aðstoð.
Lesa má greinina hans Sveins í heild sinni hér.
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.