Almennar fréttir
Lauk silfurstigi
02. september 2019
Arngunnur Ýr lauk silfurstigi í verkefninu Tækifæri á dögunum.
Arngunnur Ýr Magnúsdóttir var fyrst til þess að klára silfurstig í verkefninu Tækifæri.
Með Arngunni á myndinni er Sigrún Ósk L. Gunnarsdóttir sjálfboðaliði sem hefur fylgt henni í gegnum silfurstigið. Í verðlaun fékk Arngunnur veglegan og sérmerktan silfurpening og tvo miða í bíó.
Arngunnur mun svo byrja á gullstiginu í Tækifæri núna í september.
Tækifæri snýst um að gefa ungu fólki tækifæri til þess að velja verkefni og viðfangsefni sem þeim hentar og fá tækifæri til að vaxa og þroskast sem einstaklingar.
Tækifæri hjálpar þátttakendum að styrkja sig persónulega og auka færni sína á sama tíma og unnið er að markmiðum sem sett eru. Það er þátttakandinn sem stjórnar því hvað hann gerir næst og hvaða markmið eru sett.
Flokkarnir í Tækifæri
Í Tækifæri eru átta flokkar og þrjár tegundir af viðurkenningum.
Flokkarnir eru:
- Tómstundir
- Útivist
- Heilsa
- Einstaklingsþroski
- Rauði krossinn
- Umhverfismálefni
- Alþjóðamálefni
- Menning
Í þessum flokkum setja þátttakendur sér markmið og leysa verkefni.
Viðurkenningar eru veittar á þremur stigum:
- Brons
- Silfur
- Gull
Á silfurstigi krefjast verkefni frekari þjálfunar á nýjum hæfileikum og frekari rannsókna. Unnin verða færri verkefni í hverjum flokki en meiri tíma varið í hvert verkefni. Þegar sex af átta flokkum er lokið er hægt að ganga frá silfurverðlaunum og afhenda verðlaun.
Vilt þú vera með í Tækifæri? Hafðu samband við Hörð verkefnastjóra.
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.