Almennar fréttir
Jólamerkimiðar Rauða krossins 2022 eru farnir í dreifingu um allt land
25. nóvember 2022
Jólamerkimiðar Rauða krossins 2022 eru farnir í dreifingu um allt land. Jólamerkimiðana í ár prýðir Mannvinahjartað sem er merki Mannvina Rauða krossins.
Mannvinir Rauða krossins styðja við öll verkefni Rauða krossins, svo sem Hjálparsímann 1717, mótttöku flóttafólks, áfallahjálp, skaðaminnkunarverkefni og þróunarsamvinnu.
Þú getur nálagast jólamerkimiðana í Rauða kross búðunum á Höfuðborgarsvæðinu.
Rauði krossinn vill hvetja þig að nota miðana þótt þú hafir ekki tök á að greiða fyrir þá.
Svona greiðir þú fyrir jólamerkimiðana:
- Leggur inn á reikning 0342-26-272, kt. 530269-2649
- Sendir SMS-ið JOL í númerið1900 og styrkir um 3.300 kr.
- Greiðir í gegnum Kass (7783609)
- Greiðir í gegnum Aur(1235704000)
- Greiðir þá í gegnum vefverslun okkar hér
Rauði krossinn á Íslandi sinnir margvíslegu hjálpar- og mannúðarstarfi um allt land. Starf félagsins miðar að því að bæta íslenskt samfélag og bregðast við á neyðarstundu.
Rúmlega 3.000 sjálfboðaliðar bera starfið uppi, en þeir starfa í anda grundvallarhugsjóna hreyfingarinnar um mannúð, hlutleysi og óhlutdrægni.
Rauði krossinn hefur viðamiklu hlutverki að gegna þegar vá ber að garði á Íslandi þar sem félagið er hluti af Almannavörnum ríkisins.
Með því að greiða jólamerkimiðana styður þú við innanlandsstarf Rauða krossins, en verkefni Rauða krossins yfir hátíðarnar styðja vel við þá sem upplifa einmanaleika, sorg og áhyggjur.
Sjálfboðaliðar Rauða krossins standa vaktina á Hjálparsíma Rauða krossins allan sólahringinn, aðfangadag sem og aðra daga. Ekkert vandamál er of stórt eða of lítið fyrir Hjálparsímann.
Rauði krossinn á Íslandi óskar þér og þínum gleðilegra jóla með þökk fyrir veittan stuðning á liðnum árum.
Fréttir af starfinu
Fréttayfirlit
Mínútu þögn til minningar um fallna kollega
Alþjóðastarf 02. apríl 2025Starfsfólk Rauða krossins á Íslandi kom saman í mínútu þögn fyrir utan skrifstofur félagsins í dag til að minnast kollega sem drepnir hafa verið við mannúðarstörf á Gaza og víðar undanfarið.
Mikil neyð í Mjanmar
Alþjóðastarf 02. apríl 2025Sjálfboðaliðar Rauða krossins í Mjanmar eru að störfum við erfiðar aðstæður á hamfarasvæðum eftir jarðskjálftana miklu.
Bráðaliðar drepnir við störf sín
Alþjóðastarf 31. mars 2025Alþjóðaráð Rauða krossins segir svívirðilegt að átta bráðaliðar á vegum palestínska Rauða hálfmánans, auk starfsmanna almannavarna á Gaza og Sameinuðu þjóðanna, hafi verið drepnir við störf sín á svæðinu.