Í gær afhentu fulltrúar iðnfélaganna í 2F Húsi fagfélaganna styrk til jólaaðstoðar Rauða krossins, en með því vilja þau styrkja Rauða krossinn í því mikilvæga verkefni að styðja við þá sem höllustum fæti standa í samfélaginu.

Iðnfélögin sem standa að 2F Húsi fagfélaganna eru Byggiðn, FÍT, MATVÍS, RSÍ og Samiðn.

Við þökkum kærlega fyrir þetta góða framlag sem mun nýtast vel nú fyrir jólin sem oft er erfiður tími fjárhagslega fyrir marga. Fjölmargar deildir Rauða krossins veita stuðning fyrir jólin, oft í samstarfi við aðra aðila á svæðum.