Almennar fréttir
Hjálparsíminn 1717 og Frú Ragnheiður hlutu styrki
08. apríl 2019
Frú Ragnheiður – skaðaminnkun hlaut annan hæsta styrkinn að þessu sinni 6 milljónir og Hjálparsímin 1717 fékk 1.750.000 kr í styrk til fræðslu og forvarna.
Þann 26. mars úthlutaði Svandís Svavarsdóttir heilbrigðisráðherra styrkjum til frjálsra félagasamtaka sem vinna að margvíslegum heilbrigðismálum. Samkvæmt frétt ráðuneytisins sóttu fjörutíu og þrjú félagasamtök um styrk að þessu sinni en þrjátíu og tvö fengu úthlutun. Ánægjulegt er að segja frá því að meðal þeirra félagasamtaka er fékk hæstu styrkina var verkefni Rauða krossins á Íslandi fyrir verkefnið „Frú Ragnheiði – Skaðaminnkun“ og fékk úthlutað sex milljónir króna. Það var ekki eina verkefni Rauða krossins sem var styrkt að þessu sinni því Hjálparsímin 1717 fékk 1.750.000 kr í styrk til fræðslu og forvarna.
Hjálparsíminn 1717 og netspjall er opið allan sólarhringinn alla daga ársins og er gjaldfrjáls. Mjög mikilvægt að þeir sem þurfa að aðstoð að halda viti af Hjálparsímanum 1717 og Rauði krossinn leggur ávalt áherslu á að efla vitund almennings um starfsemina. Nánari upplýsingar um Hjálparsímann er að finna hér .
Skaðaminnkunar verkefni Rauða krossins \"Frú Ragnheiður\" fagnar 10 ára afmæli á þessu ári. Á starfstíma \"Frú Ragnheiðar\" hefur mikill vöxtur einkennt starfsemina en á síðasta ári sóttu 400 skjólstæðingar þjónustu Frú Ragnheiðar. Upplýsingar um Frú Ragnheiði má finna hér .
Fréttir af starfinu
Fréttayfirlit
Gísli Rafn Ólafsson ráðinn sem nýr framkvæmdastjóri Rauða krossins á Íslandi
Almennar fréttir 04. febrúar 2025Rauði krossinn á Íslandi hefur ráðið Gísla Rafn Ólafsson sem nýjan framkvæmdastjóra félagsins og hefur hann störf í þessari viku.
Rauði krossinn við Eyjafjörð leggur 2 milljónir til neyðarsöfnunar fyrir Gaza
Almennar fréttir 29. janúar 2025Í tilefni af 100 ára afmæli Rauða krossins við Eyjafjörð hefur stjórn deildarinnar ákveðið að leggja 2 milljónir króna til neyðarsöfnunarinnar. Með þessu vill deildin sýna samhug og stuðning við þá sem þurfa á hjálp að halda á þessum erfiðu tímum.
Kvennadeild Reykjavíkurdeildar styrkir Frú Ragnheiði um 1.300.000 krónur
Almennar fréttir 24. janúar 2025Kvennadeild Reykjavíkurdeildar Rauða krossins afhenti nýverið skaðaminnkunarverkefni Rauða krossins, Frú Ragnheiði, styrk að andvirði 1.300.000 króna. Upphæðin er afrakstur sölu á jólabasar kvennadeildarinnar, auk handverks sem framleitt var af Prjónahópnum og selt í sölubúðum á Landspítalanum við Hringbraut og í Fossvogi.