Almennar fréttir
GJ Travel aðstoðar Rauða krossinn
04. nóvember 2019
GJ Travel hefur lagt Rauða krossinum lið allt frá árinu 1956 við móttöku einstaklinga með alþjóðlega vernd.
Í rúm 60 ár eða allt frá árinu 1956 hefur fyrirtækið Guðmundur Jónasson, nú þekkt sem GJ Travel, aðstoðað Rauða krossinn við móttöku flóttafólks með því að útvega rútubifreiðar sem sækja fólkið upp á Keflavíkurflugvöll þaðan sem þau eru keyrð til nýrra heimkynna sinna.
![\"Velkomnir-Ungverjar\"](\"/media/uncategorized/medium/velkomnir-ungverjar.png\")
Árið 1956 komu 52 einstaklingar, flest á aldrinum 18-20 ára, frá Ungverjalandi (sjá mynd) hingað til lands. Á þessum liðlega 60 árum hefur ýmislegt breyst, fjöldi fólks á flótta hefur farið vaxandi og hefur nú ekki verið meiri síðan á tímum seinni heimstyrjaldarinnar en Flóttamannastofnun Sameinuðu þjóðanna áætlar að um 71 milljón einstaklinga sé á flótta í heiminum, þar af eru 26 milljón þeirra undir 18 ára aldri.
Á þessu ári hafa íslensk stjórnvöld boðið 74 einstaklingum alþjóðlega vernd og koma þeir beint frá því nágrannalandi sem þeir flúðu til. Í slíkum móttökum skiptir gott samstarf höfuðmáli en að móttöku hvers hóps koma margir aðilar, þar ber helst að nefna félagsmálaráðuneytið, sveitarfélagið, Rauða krossinn, Flóttamannastofnun Sameinuðu þjóðanna (UNHCR) og fleiri.
Samstarf við fyrirtæki og einstaklinga er mikilvægur hlekkur í árangursríkri móttöku. Fyrir hönd Rauða krossins á Íslandi þökkum við Guðmundi Jónassyni kærlega fyrir að styrkja starf Rauða krossins hérlendis í móttöku flóttafólks, nú sem endranær, með því að sýna samfélagslega ábyrgð í verki. Í dag eru það afkomendur Guðmundar sem leggja hönd á plóg (sjá mynd).
![\"75349037_2439287482793638_3134063212421447680_n-1-\"](\"/media/tomboluborn/large/75349037_2439287482793638_3134063212421447680_n-1-.jpg\")
Á myndinni eru systkinin Eðvarð Þór og Stefanía Sif Williamsbörn, en afi þeirra var Guðmundur Jónasson stofnandi GJ Travel.
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.