Almennar fréttir
Fólkið á bakvið tjöldin
24. maí 2019
Það sem gerir Rauða krossinn að öflugu félagi, er sterkt net sjálfboðaliða sem er sérþjálfað á ýmsum sviðum.
\r\nFélagið er afar stolt af fólkinu sem vinnur óeigingjarnt starf í þágu mannúðar. Hinn öflugi mannauður Rauða krossins er ómetanlegur.
Það sem gerir Rauða krossinn að öflugu félagi, er sterkt net sjálfboðaliða sem er sérþjálfað á ýmsum sviðum.
Þetta kemur einkum í ljós þegar á reynir. Í síðustu viku voru tvö útköll vegna alvarlegra slysa sem margir landsmenn fylgdust með í fréttum. Við slíkar aðstæður sinna sjálfboðaliðar og starfsfólk Rauða krossins mikilvægu viðbragðshlutverki sem kemst ekki alltaf í kastljós fjölmiðla.
Í fyrsta lagi var áfallateymi Rauða krossins á Akureyri kallað út þann 15. maí sl. vegna alvarlegs slyss sem varð við dimmsjón hjá ungmennum á Akureyri. Teymið samanstendur af sérþjálfuðum sjálfboðaliðum sem bregðast við og veita áfallahjálp í ýmsum aðstæðum, allt frá vinnuslysum upp í náttúruhamfarir.
Í kjölfar rútuslyss sem varð á Suðurlandsvegi við Hofgarða þann 16. maí sl. opnaði Rauði krossinn fjöldahjálparstöð á Kirkjubæjarklaustri. Í heildina komu 30 sjálfboðaliðar og starfsmenn Rauða krossins til hjálpar í tengslum við umrætt slys.
Þegar slíkir atburðir verða er ýmislegt sem sjálfboðaliðar sinna – sálrænn stuðningur, þátttaka í samhæfingu, bæði innan umdæmis og á landsvísu og félagslegt hjálparstarf (gisting, föt, matur, sameining fjölskyldna og skipulagning ferða milli landshluta). Oftar en ekki, í kjölfar alvarlegra atburða, vinna sjálfboðaliðar Rauða krossins í ýmsum verkefnum langt fram á nótt, í allt að tvo daga.
Mörg hundruð sjálfboðaliðar Rauða krossins eru þjálfuð reglulega í að starfrækja fjöldahjálparstöðvar og sækja þeir meðal annars námskeið með reglulegu millibili til að viðhalda þekkingunni. Þá tekur Rauði krossinn einnig þátt í ýmsum stórslysaæfingum ásamt öðrum viðbragðsaðilum.
Félagið er afar stolt af fólkinu sem vinnur óeigingjarnt starf í þágu mannúðar. Hinn öflugi mannauður Rauða krossins er ómetanlegur.
Fréttir af starfinu
Fréttayfirlit![](/media/mkzctcum/image-5.jpg?anchor=center&mode=crop&width=420&height=279&rnd=133650831076670000)
Héldu tombólu til styrktar Rauða krossinum
Almennar fréttir 10. júlí 2024Fjórir vinir héldu tombólu á Eiðistorgi til að safna fyrir Rauða krossinn.
![](/media/wqtbufcx/20240705_121315.jpg?anchor=center&mode=crop&width=420&height=279&rnd=133649120916170000)
Héldu tombólu til að styrkja Rauða krossinn
Almennar fréttir 08. júlí 2024Vinirnir Haukur Leó Styrmisson og Angelo Snær Klemensson Semey héldu tombólu til að safna fyrir Rauða krossinn á Íslandi.
![](/media/jwfp2zvs/_a1_7065-prent.jpg?anchor=center&mode=crop&width=420&height=279&rnd=133634365763900000)
Tæplega 8.5 milljónir króna söfnuðust á Öll sem eitt tónleikunum
Innanlandsstarf 21. júní 2024Þann 7. maí síðastliðinn fóru samstöðutónleikarnir Öll sem eitt fram í Háskólabíó, en markmið tónleikanna var að sýna samstöðu með þolendum átakanna í Gaza og safna fé til að styrkja hjálparstarf þar. Á tónleikunum kom fram fjöldinn allur af frábæru íslensku tónlistarfólki fyrir framan fullan sal af gestum, en auk þessu gátu áhorfendur heima í stofu fylgst með tónleikunum í beinni útsendingu á Stöð 2.