Almennar fréttir
Alþjóðlegur forvarnardagur drukknunar 2023
25. júlí 2023
Vissir þú að skyndihjálp getur bjargað manneskju frá drukknun?
Í dag er Alþjóðlegur forvarnardagur drukknunar, en árið 2021 samþykktu Sameinuðu þjóðirnar sögulega ályktun um forvarnir gegn drukknun á heimsvísu.
Vatn hefur verið stór hluti af daglegu lífi Íslendinga frá örófi alda í bæði leik og starfi. Hættulaust er það þó ekki og síðasta áratuginn hefur á hverri klukkustund að jafnaði 26 manns drukknað í heiminum. Talað hefur verið um drukknun sem þöglan faraldur sem hægt er að koma í veg fyrir.
Rauði krossinn vill vekja athygli á mikilvægi almennings í forvörnum og skyndihjálp. Er það hluti af því að hvetja til bættra viðbragða og efla aðgerðir til að hindra dauðsföll að völdum drukknunar. Fræðsla til almennings um forvarnir við drukknun og skyndihjálp eru einnar mikilvægast.
Einnig í tilefni dagsins er vert að nefna að á árinu gerðu Rauði krossinn og Umhverfisstofnun tímamótasamning í málaflokknum Skyndihjálp og björgun og er það mikilvægt skref í eflingu aðgerða á sviði öryggismála sundsstaða á Íslandi.
Viltu vita meira ?
Rauði krossinn hefur um áraraðir verið leiðandi í skyndihjálparþjálfun almennings og hefur það sem eitt af aðalmarkmiðum sínu að stuðla að útbreiðslu skyndihjálparkunnáttu á landsvísu.
Sjá má skyndihjálparnámskeið Rauða krossins hér.
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.