Almennar fréttir
Alþjóðlegur baráttudagur kvenna er í dag
08. mars 2019
Rauði krossinn á Íslandi vinnur að því að efla og styrkja stöðu kvenna í verkefnum erlendis og hefur það verið megin stefið í starfinu mörg undanfarin ár.
Í dag er alþjóðlegur baráttudagur kvenna. Rauði krossinn á Íslandi vinnur að því að efla og styrkja stöðu kvenna í verkefnum erlendis og hefur það verið megin stefið í starfinu mörg undanfarin ár. Félagið starfar eftir ákveðnum áherslum í sínum verkefnum þar sem konur og stúlkur í neyð eru í forgrunni. Tölfræði og samantektir á þessu sviði benda til þess að konur og stúlkur séu líklegri til að vera fátækar, síður líklegar til að ná að vinna sig út úr fátækt, hljóta menntun og búa við góða heilsu. Á þessu er einföld skýring sem kalla má „tímafátækt“ en konur verja að meðaltali tvöfalt meiri tíma í ólaunaða vinnu, svo sem að elda, þrífa og sjá um börn og foreldra. Þeim gefst því yfirleitt ekki tími til þess að mennta sig, afla sérþekkingar, sinna tekjuöflun eða sækja sér heilbrigðisþjónustu. Af þessari ástæðu leggur Rauði krossinn á Íslandi áherslu á valdeflingu stúlkna og kvenna í alþjóðlegu hjálparstarfi.
Rauði krossinn hefur í mörg ár stutt stúlkur til náms og veitt þeim fræðslu um eigin réttindi og þjálfun í lífsleikni í gegnum uppbyggingu ungliðastarfs Rauða krossins í Malaví. Þá hefur félagið stutt sérstakt átak Alþjóðaráðs Rauða krossins (ICRC) í því að efla viðbrögð hreyfingarinnar við kynferðislegu ofbeldi á átakasvæðum undanfarin ár.
Aðgerðir ICRC eru fjölþættar og markmið þeirra má gróflega flokka í eftirfarandi þætti:
1. Auka aðgengi fórnarlamba kynferðisofbeldis að heilbrigðisþjónustu.
2. Auka aðgengi fórnarlamba að annarri lífsnauðsynlegri þjónustu.
3. Auka forvarnir og draga úr líkum á kynferðisofbeldi. Þar með talið með því að vekja viðeigandi valdhafa, s.s. stjórnvöld og stríðandi fylkingar til vitundar um ákvæði alþjóðlegra mannúðarlaga, þ.m.t. viðurlög og lögbundna ábyrgð og skyldur þeirra á tímum vopnaðra átaka, í samræmi við Genfarsamningana og þá sérstaklega skyldur er varða virðingu og vernd til handa óbreyttum borgurum, með áherslu á kynferðislegt ofbeldi.
Rauði krossinn á Íslandi vinnur einnig að verkefni innan alþjóðlegu Rauða kross hreyfingarinnar sem miðar að því að auka jafnrétti í öllum verkefnum innan hreyfingarinnar, fjölgun kvenna í áhrifastöðum og að styðja landsfélög innan Evrópu í því að tefla fram konum.
Fréttir af starfinu
Fréttayfirlit
100 ára afmælishátíð Rauða krossins í Hörpu
Almennar fréttir 20. desember 2024Rauði krossinn á Íslandi náði þeim áfanga á dögunum að ná 100 ára aldri. Tímamótunum hefur verið fagnað með ýmsum hætti, svo sem greinaskrifum, viðtölum, útgáfu viðamikils rits um sögu félagsins og nú síðast hátíðarfundar í Hörpu þann 10. desember síðastliðinn.
Mannúð í heila öld - Rauði krossinn á Íslandi fagnar 100 ára afmæli
Almennar fréttir 10. desember 2024Í dag, 10. desember, fagnar Rauði krossinn á Íslandi 100 ára afmæli sínu. Árið 1924 var félagið stofnað vegna aukinnar vitundar um þörfina fyrir mannúðarstarfsemi á Íslandi en skortur var á kerfisbundinni neyðaraðstoð og félagslegum stuðningi fyrir þá sem lentu í áföllum. Í dag er Rauði krossinn orðinn að ómissandi hluta af samfélaginu, með sjálfboðaliðum og starfsmönnum um allt land.
Rauði krossinn 100 ára - söfnun í samstarfi við Finnsson & Co
Almennar fréttir 03. desember 2024Rauði krossinn á Íslandi fagnar 100 ára afmæli sínu þann 10. desember 2024. Af því tilefni höfum við sett af stað landssöfnun þar sem við óskum eftir stuðningi fyrirtækja og félagasamtaka um land allt við innlend verkefni RKÍ. Við njótum liðsinnis fyrirtækisins Finnsson & Co við söfnunina, en það hefur áður sinnt sambærilegum útgáfu- og fjáröflunarverkefnum.