Almennar fréttir
Alþjóðadagur Rauða krossins er í dag!
08. maí 2023
Í dag heldur Rauða krossinn upp á alþjóðadag hreyfingarinnar, en 8. maí er fæðingardagur stofnandans, Henry Dunant.
Í dag, á alþjóðadegi Rauða krossins og Rauða hálfmánans, fögnum við arfleið Henry Dunant, stofnanda Rauða krossins sem fæddist á þessum degi árið 1828, og þeim óteljandi sjálfboðaliðum og starfsmönnum sem hafa fylgt fordæmi hans á þeim 160 árum sem eru liðin frá stofnun félagsins. Um allan heim vinnur þetta fólk hörðum höndum að því að hjálpa öllum sem eru í neyð á sama tíma og grundvallarhugsjónum Rauða krossins er fylgt.
Rauði krossinn stendur frammi fyrir miklum áskorunum í starfi sínu við að sinna hjálparstörfum víða um heim og alvarleg vandamál eins og náttúruhamfarir og neyðarástand í heilbrigðismálum eru að verða algengari og stærri. Stríðandi fylkingar virða líka iðulega ekki grundvallarreglur í alþjóðlegum mannúðarlögum og hindra störf hjálparsamtaka.
En heimsbyggðin hefur séð hve miklum árangri Rauða kross-hreyfingin nær við að veita mannúðaraðstoð, vernda þau sem þurfa mest á vernd að halda og mæta samverkandi krísum. Styrkur okkar liggur í sameiningu okkar og ákveðni í að fylgja grundvallarhugsjónum eins og hlutleysi, óhlutdrægni, sjálfstæði í mannúðaraðgerðum og skuldbindingu að mannúð.
Í dag fögnum við þeim milljónum sjálfboðaliða og starfsfólks Rauða krossins og Rauða hálfmánans um allan heim sem viðhalda hugsjónum Henry Dunant um að veita fólki sem er að mæta gríðarlegum erfiðleikum von og reisn án þess að gera neinn greinarmun á fólki.
Til hamingju með alþjóðadag Rauða krossins og Rauða hálfmánans! #FráHjartanu
Fréttir af starfinu
Fréttayfirlit
Gísli Rafn Ólafsson ráðinn sem nýr framkvæmdastjóri Rauða krossins á Íslandi
Almennar fréttir 04. febrúar 2025Rauði krossinn á Íslandi hefur ráðið Gísla Rafn Ólafsson sem nýjan framkvæmdastjóra félagsins og hefur hann störf í þessari viku.
Rauði krossinn við Eyjafjörð leggur 2 milljónir til neyðarsöfnunar fyrir Gaza
Almennar fréttir 29. janúar 2025Í tilefni af 100 ára afmæli Rauða krossins við Eyjafjörð hefur stjórn deildarinnar ákveðið að leggja 2 milljónir króna til neyðarsöfnunarinnar. Með þessu vill deildin sýna samhug og stuðning við þá sem þurfa á hjálp að halda á þessum erfiðu tímum.
Kvennadeild Reykjavíkurdeildar styrkir Frú Ragnheiði um 1.300.000 krónur
Almennar fréttir 24. janúar 2025Kvennadeild Reykjavíkurdeildar Rauða krossins afhenti nýverið skaðaminnkunarverkefni Rauða krossins, Frú Ragnheiði, styrk að andvirði 1.300.000 króna. Upphæðin er afrakstur sölu á jólabasar kvennadeildarinnar, auk handverks sem framleitt var af Prjónahópnum og selt í sölubúðum á Landspítalanum við Hringbraut og í Fossvogi.