Nýverið bauð hannyrðaverslunin Storkurinn ehf á Laugavegi Rauða krossi Íslands að safna afgangsgarni og prjónum til að gefa deildum félagsins og stendur söfnunarkarfa merkt Rauða krossinum frammi í búðinni. Rauði krossinn þáði boðið með þökkum og nú þegar hefur innihald fyrstu körfunnar verið afhent.

Storkurinn er rótgróið fyrirtæki sem stofnað var 1954 og var í fyrstu barnafataverslun. Helga og Guðrún sem sjást á meðfylgjandi mynd taka vel á móti viðskiptavinum og leiðbeina þeim hvort sem þeir vilja gefa garn í körfuna eða annað.

Margar deildir Rauða krossins vinna að verkefninu „Föt sem framlag“ þar sem m.a. eru prjónuð ungbarnaföt til að senda til neyðaraðstoðar erlendis.